Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Aðstoðardeildarstjóri hjúkrunar á skurðstofur Fossvogi

Við leitum eftir metnaðarfullum og framfarasinnuðum hjúkrunarfræðingi í starf aðstoðardeildarstjóra á skurðstofur í Fossvogi. Viðkomandi þarf að hafa áhuga á stjórnun og gæðamálum, búa yfir afburða samskiptahæfni og hæfni til að takast á við breytingar.

Aðstoðardeildarstjóri starfar náið með deildarstjóra ásamt öðrum aðstoðardeildarstjóra sem mynda þriggja manna stjórnendateymi. Aðstoðardeildarstjóri fylgir eftir ákvörðunum um skipulag starfseminnar og verklag á deild sem og innleiðingu nýjunga.

Deildin heyrir undir svið skurðlækninga-, skurðstofu- og gjörgæsluþjónustu. Á deildinni eru 8 skurðstofur sem þjóna 5 sérgreinum og árlega eru framkvæmdar þar um 6000 aðgerðir. Á deildinni starfa um 90 einstaklingar, hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi.

Í boði er einstaklingsaðlöguð þjálfun eftir þörfum hvers og eins á skemmtilegum vinnustað.

Starfshlutfall er 100% og unnið í dagvinnu og er starfið laust 1. febrúar 2026 eða eftir nánara samkomulagi.

Helstu verkefni og ábyrgð

Skipuleggur starfsemi deildarinnar í samráði við deildarstjóra og stjórnendateymi
Ber ábyrgð á sérstökum verkefnum varðandi rekstur, mönnun og skipulag hjúkrunar sem viðkomandi er falið af deildarstjóra
Er leiðandi í faglegu starfi, öryggis- og gæðastarfi og öðru umbótastarfi sem stuðlar að bættri þjónustu
Ber ábyrgð á framkvæmd hjúkrunar, mönnun og rekstri í fjarveru deildarstjóra
Leiðir umbreytingarverkefni og teymisvinnu deildarinnar í samráði við deildarstjóra
Vinnur náið með deildarstjóra að mótun liðsheildar, stefnumótun og skipulagningu starfseminnar
Þátttaka í stjórnendateymi deildarinnar í ýmsum verkefnum

Menntunar- og hæfniskröfur

Íslenskt hjúkrunarleyfi
Sérnám í skurðhjúkrun er skilyrði
Klínísk starfsreynsla á sviði skurðhjúkrunar
Stjórnunarþekking og leiðtogahæfni
Jákvætt viðhorf og hæfni í samskiptum og teymisvinnu
Þjónustulund, sveigjanleiki og sjálfstæði í vinnubrögðum
Áhugi á umbóta- og gæðastarfi
Góð íslenskukunnátta
Mjög góð tölvufærni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, aðstoðardeildarstjóri hjúkrun, hjúkrunarfræðingur, hjúkrun

Tungumálahæfni: íslenska 4/5

Staðsetning: Fossvogur, 108 Reykjavík

Nánari upplýsingar

Eydís Ingvarsdóttir

hjúkrunardeildarstjóri

Tölvupóstur: [email protected]

Sími: 897-8323

Advertisement published5. December 2025

Application deadline15. December 2025

Language skills

Icelandic

Required

Advanced

Location

Fossvogur, 108 Reykjavík

Type of work

Professions

Job Tags

Other jobs (46)

Hjúkrunarfræðingur á innrennsliseining dagdeildar gigtar