EFLA hf

EFLA er leiðandi þekkingarfyrirtæki sem veitir fjölbreytta þjónustu á öllum helstu sviðum verkfræði, tækni og tengdra greina. Hjá EFLU starfa um 400 starfsmenn í samstæðu fyrirtækisins á Íslandi og erlendis. EFLA hefur á að skipa mjög hæfu og reynslumiklu fagfólki á fjölmörgum sviðum. Sameiginlegt markmið þess er að auka virði fyrir viðskiptavinina með því að veita bestu mögulegu þjónustu og lausnir.

Vinnustaðurinn

Viltu veita ráðgjöf við innivist?

EFLA leitar að metnaðarfullum og áhugasömum einstaklingi sem hefur áhuga á að sérhæfa sig í innivist. Sem sérfræðingur í byggingartækni fengir þú tækifæri til að starfa í fjölbreyttum verkefnum tengdum viðhaldi innan- og utanhúss, svo sem umsjón og eftirliti verklegra framkvæmda, rakaskimunum, ástandsskoðun, gallagreiningu og tillögum að endurbótum, auk verkefnastýringar.

Helstu verkefni og ábyrgð

Rakaskimun, sjónskoðun og sýnataka
Sýnataka úr byggingarefnum vegna rakaskemmda eða endurbóta
Loftgæðarannsóknir, sýnataka og síritun loftgæða
Skýrslugerð og tillögur að endurbótum
Ástandsskoðanir fasteigna, gallagreining, lekaprófun, loftþéttleikamælingar
Umsjón / eftirlit verklegra framkvæmda/ ráðgjöf á verktíma

Menntunar- og hæfniskröfur

Háskólamenntun á sviði verkfræði, tæknifræði, arkitektúr, líffræði, byggingarfræði eða önnur menntun við hæfi
Iðnmenntun og/eða reynsla af byggingarframkvæmdum er kostur en ekki skilyrði
Mikill áhugi á sérhæfingu innan starfssviðs
Framúrskarandi hæfni í samskiptum og samvinnu

Fríðindi í starfi

Góður og hollur matur í hádeginu
Vellíðunarstyrkur
Samgöngustyrkur
Hreyfistyrkur
Gleraugnastyrkur
Fæðingarstyrkur
Hleðsla á rafbíl
Símastyrkur
Símaáskrift og heimatenging

EFLA er þekkingarfyrirtæki sem starfar á sviði verkfræði og tækni. 

EFLA leggur mikla áherslu á að bjóða upp á nærþjónustu um allt land og starfrækir öflugar starfsstöðvar á landsbyggðinni. Við bjóðum störf óháð staðsetningu svo starfsfólk geti búið í sinni heimabyggð hvar sem er á landinu, unnið í spennandi verkefnum og tilheyrt öflugum teymum. Um fjórðungur starfsfólks EFLU starfar á landsbyggðinni. 

Við bjóðum upp á afbragðs starfsumhverfi, sveigjanlegan vinnutíma og góðan starfsanda. 

Öll starfsemi EFLU byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði. Gildi EFLU eru hugrekki, samvinna og traust og leggjum við mikið upp úr því að fá til liðs við okkur kraftmikið, jákvætt og metnaðarfullt starfsfólk sem skarar fram úr á sínu sviði. 

EFLA er jafnlaunavottað fyrirtæki og hefur unnið frumkvöðlastarf í sjálfbærum rekstri.

Nánari upplýsingar um vinnustaðinn 

Nánari upplýsingar um stefnur EFLU

Persónuverndaryfirlýsing til umsækjenda 

Um svið og starfsstöðvar EFLU

Auglýsing birt23. september 2024

Umsóknarfrestur6. október 2024

Staðsetning

Lyngháls 4, 110 Reykjavík

Starfstegund

Vinnuumhverfi

Starfsgreinar