Verkfræðingur

Strendingur ehf. verkfræðiþjónusta óskar eftir að ráða verkfræðing til starfa. Verkefni eru fjölbreytt og geta falist í burðarþols-, lagna- og loftræsihönnun, hönnunarstjórnun, byggingarstjórnun, verkefnastjórnun, umsjón og eftirlit o.fl. allt eftir reynslu og menntun viðkomandi. Í boði er spennandi starf hjá öflugu fyrirtæki þar sem hópur sérfræðinga fæst við ráðgjafaþjónustu á byggingarsviði. Starfsstöð Strendings er að Dalshrauni 3, Hafnarfirði.

Framundan eru mörg umfangsmikil og áhugaverð verkefni sem snúa m.a. að framkvæmdum við skóla, íþróttahús, sundlaugar, gatna- og hafnargerð, virkjanir auk íbúðar og iðnaðarbygginga.