Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Vilt þú komast á spennandi samning í vélvirkjun?

Við leitum að áhugasömum og jákvæðum iðnnemum sem hafa lokið grunndeild málmiðna og langar til að vinna sinn námssamning hjá Orku náttúrunnar.

Við bjóðum upp á metnaðarfullan námssamning þar sem þú getur klárað allt starfsnám á einum stað og fengið góðan undirbúning fyrir sveinspróf.

Í virkjunum okkar á Hellisheiði, Nesjavöllum og við Andakílsá framleiðum við rafmagn til allra landsmanna og heitt vatn fyrir íbúa höfuðborgarsvæðisins.

Orka náttúrunnar er leiðandi afl í nýsköpun og þróun endurnýjanlegrar orku og því um spennandi nemastöðu að ræða í einstöku fyrirtæki sem hefur þann tilgang að auka lífsgæði og skapa verðmæti með sjálfbærni að leiðarljósi.

Vinnutíminn er frá klukkan 8:20-16:15 á mánudögum til fimmtudags og til klukkan 15:10 á föstudögum.

Almenna starfsstöðin er í Hellisheiðarvirkjun, en viðkomandi mun jafnframt kynnast starfsemi okkar á Nesjavöllum og í Andakílsá.

Boðið er upp á akstur frá höfuðstöðvum ON í Reykjavík og frá Selfossi/Hveragerði.

Helstu verkefni og ábyrgð

Á vélaverkstæði ON kynnist þú fjölbreyttu og samfélagslega mikilvægu hlutverki fyrirtækisins, m.a. hvernig við framleiðum rafmagn og heitt vatn í virkjunum okkar.

Þú kemur til með að vinna við fjölbreytt viðhald á vélbúnaði, kynnast vinnu með gíra, loka og dælur og taka þátt í umfangsmiklum upptektum á gufutúrbínum.

Menntunar- og hæfniskröfur

Við leitum að iðnnemum sem hafa lokið grunndeild málmiðna og hafa brennandi áhuga á að efla færni sína og þekkingu í styðjandi starfsumhverfi

Rík öryggisvitund er skilyrði

Við tökum jafnréttið alvarlega og veljum í iðnnemastöður þannig að tryggt sé að fjölbreytileiki kynja sé í nemahópnum. Þess vegna hvetjum við öll kyn til að sækja um.

Eingöngu er tekið á móti umsóknum á ráðningarvef ON, starf.on.is.

Nánari upplýsingar veitir Þór Þórsson, verkstjóri vélaverkstæðis virkjana ON, thor.thorsson@on.is

Af hverju Orka náttúrunnar?

https://www.on.is/af-hverju-on/

Orka náttúrunnar framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið. Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing stofnuð2. júlí 2024

UmsóknarfresturEnginn

Tungumálahæfni