Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

Vinnustaðurinn

Viðskiptastjóri Sensa

Sensa leitar að kraftmiklum og drífandi sérfræðing sem er til í að byggja upp og leiða traust viðskiptavinasambönd Sensa til árangurs.

Hlutverkið kallar á mikil mannleg samskipti og gott samstarf við samstarfsfólk og viðskiptavini.

Ef þú ert lausnamiðaður einstaklingur sem hefur brennandi áhuga á upplýsingatækni, hefur góða samskipta- og skipulagshæfni og vilt hafa góða yfirsýn á verkefnum þá er þetta frábært tækifæri fyrir þig.

Helstu verkefni og ábyrgð

Viðskiptastýring, ráðgjöf og árangursstjórnun viðskiptavina
Byggja upp og leiða traust viðskiptavinasambönd til árangurs
Dagleg samskipti við viðskiptavini og birgja
Sýna frumkvæði, leita lausna og leiða verkefni

Menntunar- og hæfniskröfur

Reynsla og þekking í upplýsingatækni (rekstur, hýsing, skýjaþjónusta)
Góð samskipta- og skipulagshæfni
Metnaður og agi fyrir starfi, sjálfstæð og vönduð vinnubrögð
Brennandi áhugi á upplýsingatækni og stafrænni umbreytingu
Góð íslensku- og enskukunnátta í töluðu og rituðu máli
Háskólamenntun sem nýtist í starfi er kostur

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Íþróttastyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími og möguleikar á fjarvinnu

Sensa er leiðandi upplýsingatæknifyrirtæki þar sem sterk liðsheild, hátt þekkingarstig og framúrskarandi þjónusta eru höfð að leiðarljósi. Starfsfólk er um 160 talsins, staðsett í tólf löndum í fjórum heimsálfum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.  

Umsóknarfrestur er til og með 3. janúar nk. en byrjað verður að vinna úr umsóknum um leið og þær berast.

Hjá Sensa leggjum við mikla áherslu á fjölbreytt vinnuumhverfi þar sem allir fá tækifæri til að njóta sín, óháð kyni, uppruna og bakgrunni.

Umsækjendur þurfa að skila inn sakavottorði.

Einungis er tekið á móti umsóknum í gegnum umsóknarkerfi Alfreðs.

Nánari upplýsingar um starfið veitir Gunnar Ólafsson, í gegnum netfangið gunnar.olafsson@sensa.is

Auglýsing birt16. desember 2024

Umsóknarfrestur3. janúar 2025

Tungumálahæfni