Hugbúnaðarsérfræðingur / Senior Software Developer

Við leitum að öflugum hugbúnaðarsérfræðingi í þróunarteymið okkar. Við trúum á metnaðarfull og öflug teymi og keyrum Scrum aðferðafræði í góðri samvinnu við vörustýringarsvið fyrirtækisins. Starfið hentar þeim sem hefur brennandi áhuga á hugbúnaðargerð og leggur áherslu á nýjustu tækni, teymisvinnu og vönduð vinnubrögð.

Motus er á spennandi vegferð sem miðar að því að finna nýjar leiðir til að styrkja gæði kröfustýringar, og hún haldi áfram að vera ómissandi þáttur í vexti og viðgangi fyrirtækja á landinu öllu. Hlutverk Motus er að koma fjármagni á hreyfingu á hagkvæman, nútímalegan og aðgengilegan hátt. Við beitum til þess nýjustu tækni og sérþekkingu og leitum stöðugt bestu lausna í þágu viðskiptavina og samfélags.