Verkfræðingur á framleiðslusviði

Verkfræðingur á framleiðslusviði er hluti af teymi sem ber ábyrgð á gildingu ferla, framleiðslubúnaði og þróun, ásamt því að veita víðtæka aðstoð við gæðamál. Starfið felur m.a. í sér söfnun og greiningu gagna, skrif á skýrslum, viðhaldi og uppfærslum ferla, ásamt því að tryggja að viðeigandi stöðlum og reglugerðum sé fylgt hverju sinni. Starfsmaðurinn vinnur náið með þverfaglegum teymum sem styðja við gildingar, uppsetningu ferla og búnaðs.

Starfsstaður er á skrifstofu Kerecis á Ísafirði og heyrir starfið undir deildarstjóra.

Hefur þú roð við okkur?

Kerecis er það fyrirtæki sem vex hraðast í heiminum á sviði meðferðar á vefjaskaða og byggir tækni sína á hagnýtingu á roði og fitusýrum. Lækningavörur Kerecis eru notaðar til meðhöndlunar á margskonar líkamsskaða; m.a. á skurðsárum, þrálátum sárum, brunasárum, munnholssárum sem og til að flýta fyrir gróanda og að styrkja innvortis vef eftir skurðaðgerðir og slys.

Um 600 starfsmenn starfa hjá fyrirtækinu á Ísafirði, í Reykjavík, Þýskalandi og í Bandaríkjunum.

Sáraroðið Kerecis á þátt í bata þúsunda einstaklinga um allan heim árlega.