Laus störf Hæfnileit Vinnustaðir Námskeið

Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Verkefnisstjóri í Nemendaskrá

Laust er til umsóknar fullt starf verkefnisstjóra í Nemendaskrá á kennslusviði Háskóla Íslands. Starfsfólk Nemendaskrár annast skrásetningu umsækjenda og nemenda við háskólann, námsframvindu þeirra, skráningu í námskeið og próf, skráningu einkunna og brautskráningu.

Helstu verkefni og ábyrgð

Upplýsingagjöf og samskipti við nemendur og starfsfólk HÍ og tilvonandi umsækjendur
Afgreiðsla beiðna um ýmis konar skráningar frá innlendum sem erlendum nemendum
Ráðgjöf og skráning á námsframvindu nemenda
Undirbúningur fyrir brautskráningu í samvinnu við deildir og frágangur námsferla nemenda í nemendakerfi

Menntunar- og hæfniskröfur

Háskólapróf sem nýtist í starfi
Reynsla af sambærilegum verkefnum er kostur
Góð íslensku- og enskukunnátta
Gott vald á upplýsingatækni, s.s. Microsoft 365 umhverfi og vilji til að tileinka sér nýjungar í rafrænum vinnubrögðum
Þjónustulund, sveigjanleiki og lipurð í mannlegum samskiptum
Samstarfshæfni, nákvæmni og sjálfstæði í vinnubrögðum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd fyrir starfsfólk stjórnsýslu skólans.

Nánari upplýsingar veitir Kristín Jónasdóttir - [email protected] -

Auglýsing birt21. nóvember 2025

Umsóknarfrestur1. desember 2025

Tungumálahæfni