Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Skrifstofustjóri í Tölvunarfræðideild

Háskólinn í Reykjavík leitar að skrifstofustjóra í Tölvunarfræðideild. Starfið er fjölbreytt og krefjandi og er unnið í nánu samstarfi við deildarforseta, starfsfólk skrifstofu, kennara, og stoðdeildir skólans.

Megin starfsvið skrifstofustjóra er að hafa yfirumsjón með verkefnum skrifstofu og skipulagi. Auk skrifstofustjóra starfa þrír verkefnastjórar á skrifstofu tölvunarfræðideildar.

STARFSSVIÐ

Aðstoðar deildarforseta við rekstur deildarinnar
Yfirsýn yfir starf deildarinnar, áætlanir og markmið
Yfirumsjón verkefna skrifstofu og umsjón viðburða
Aðstoð við gerð fjárhagsáætlana og eftirfylgni
Þátttaka í þróunarverkefnum, gæðastarfi og uppbyggingu deildarinnar
Umsjón vefsvæða, skjölunar og skráningar í viðkomandi kerfi
Aðstoð til nemenda og sérstaklega erlendra nemenda sem eru að fóta sig í íslensku samfélagi
Innri upplýsingagjöf um starf deildarinnar í samstarfi við deildarforseta

HÆFNISKRÖFUR

Háskólamenntun og reynsla sem nýtist í starfi
Reynsla af rekstri og fjármálum er mikill kostur
Rík þjónustulund, jákvæðni og lipurð í mannlegum samskiptum
Mikil skipulagshæfni og frumkvæði í starfi
Góð tölvukunnátta nauðsynleg
Góð kunnátta í íslensku og ensku, bæði í tali og rituðu máli
Sterk leiðtogahæfni og sjálfstæði í vinnu

Skrifstofustjóri ber hag nemenda, kennara og starf deildarinnar fyrir brjósti sér og brennur fyrir því að veita framúrskarandi þjónustu og að skapa jákvætt starfsumhverfi.

Umsóknarfrestur er til 3. desember og skal umsóknum skilað á vef Háskólans í Reykjavík.

Farið er með allar fyrirspurnir og umsóknir sem trúnaðarmál.

Fyrir frekari upplýsingar er áhugasömum boðið að hafa samband við Henning Úlfarsson ([email protected]) eða mannauðsdeild ([email protected]).

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Auglýsing birt19. nóvember 2025

Umsóknarfrestur3. desember 2025

Tungumálahæfni