Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Verkefnastjóri sumarhátíða hjá Akureyrarbæ

Þjónustu- og menningarsvið Akureyrarbæjar óskar eftir að ráða verkefnastjóra sumarhátíða. Um er að ræða fullt starf með sveigjanlegum vinnutíma sem er tímabundið frá júní til ágúst 2025. Viðkomandi starfar með öflugu atvinnu-, menningar- og markaðsteymi bæjarins.

Helstu verkefni og ábyrgð

Aðstoðar við framkvæmd hátíðarhalda á 17. júní og hefur umsjón með skipulagningu, undirbúningi og framkvæmd Listasumars og Akureyrarvöku í samstarfi við verkefnastjóra menningarmála.
Tekur þátt í úrvinnslu styrkumsókna vegna hátíðanna.
Vinnur tíma- og verkáætlanir fyrir viðburði í samstarfi við þá sem fyrir þeim standa.
Vinnur með hönnuðum að gerð kynningarefnis.
Heldur úti kynningum á hátíðunum og einstökum viðburðum á samfélagsmiðlum, heimasíðum og með útsendingu fréttatilkynninga.
Tekur þátt í framkvæmd einstakra viðburða.

Menntunar- og hæfniskröfur

Háskólapróf (BA/BS/B.Ed.) sem nýtist í starfi.
Þekking og reynsla af menningarstarfi og skipulagningu viðburða er nauðsynleg.
Reynsla af markaðssetningu á samfélagsmiðlum.
Góð íslenskukunnátta og hæfni til að tjá sig í rituðu máli.
Góð enskukunnátta er nauðsynleg.
Sjálfstæði, gott frumkvæði og góð samskiptafærni.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Visku.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Þórgnýr Dýrfjörð forstöðumaður í síma 460 1151 og í netfanginu [email protected]

Einungis er tekið á móti rafrænum umsóknum.

Umsóknarfrestur er til og með 9. mars 2025.

Auglýsing birt21. febrúar 2025

Umsóknarfrestur9. mars 2025

Tungumálahæfni