Verkefnastjóri viðburða og kynninga í LHÍ
Listaháskóli Íslands leitar að skipulagðri og áreiðanlegri manneskju í starf verkefnastjóra viðburða- og kynningarmála með áherslu á tónlistardeild. Um fullt starf er að ræða.
Verkefnastjórinn tekur þátt í skipulagi og framleiðslu viðburða. Hann er hluti af teymi sem starfar þvert á LHÍ sem er leitt af sviðsstjóra sjálfbærni og samfélags. Verkefnastjórinn tekur þátt í kynningarstarfi skólans, allt frá inntöku nýnema og að útskrift. Starfið felur meðal annars í sér ýmis konar viðburðahald í tengslum við starfsemi skólans, kynningu á námsframboði, umsjón og miðlun upplýsinga, skrif á fréttatilkynningum, samstarf við ytri aðila og upplýsingamiðlun til nemenda og starfsfólks.
Helstu verkefni:
- Skipulag og framleiðsla á viðburðum.
- Verkefni innan deilda.
- Þátttaka í kynningarstarfi.
- Þátttaka í mótun á framtíðarsýn fyrir viðburðahald og kynningarmál LHÍ í samræmi við stefnu LHÍ.
- Menntun og/eða starfsreynsla sem nýtist í starfi
- Sjálfstæð vinnubrögð og frumkvæði í starfi
- Gott vald á íslensku og ensku, í töluðu og rituðu máli
- Góð tölvukunnátta
- Sveigjanleiki, jákvæðni og mikil lipurð í samskiptum
- Reynsla af verkefnastjórn er kostur
Frekari upplýsingar um starfið veitir Katrín Johnson, mannauðsstjóri, í tölvupósti: [email protected].
Farið verður með umsóknir og fyrirspurnir sem trúnaðarmál. Skólinn áskilur sér rétt til að hafna öllum umsóknum.
Íslenska
Enska
