Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Verkefnastjóri í sálfræðideild, tímabundin staða

Sálfræðideild Háskólans í Reykjavík leitar að kraftmiklum einstaklingi í fjölbreytt og krefjandi starf verkefnastjóra á skrifstofu deildarinnar. Um er að ræða tímabundið starf til 12 mánaða.

Í boði er spennandi starf í metnaðarfullu og lifandi háskólaumhverfi. Starfið veitir ýmis tækifæri til að sýna frumkvæði með það að markmiði að skapa framúrskarandi náms- og vinnuumhverfi fyrir nemendur.

Helstu verkefni og ábyrgð

Þjónusta og samskipti við nemendur og starfsmenn deildar
Umsjón og skipulag námsbrauta við deildina í samvinnu við forstöðumann
Skráning námskeiða, kennara og kennslubóka
Umsjón með efni á vef deildarinnar
Umsjón með stundatöflugerð, umsóknarferli og gerð kennsluskrár
Ýmis konar gagnaöflun
Þátttaka í kynningu á náminu, t.d. á nýnemadögum og Háskóladeginum

Menntunar- og hæfniskröfur

Grunnháskólapróf sem nýtist í starfi, sálfræðinám kostur
Rík þjónustulund og lipurð í mannlegum samskiptum
Mikil skipulagshæfni og frumkvæði í starfi
Góð íslensku- og enskukunnátta (bæði talað og ritað mál)
Góð tölvukunnátta nauðsynleg

Æskilegt er að viðkomandi geti hafið störf eigi síðar en 1. mars 2025. Með öllum umsóknum skal fylgja góð ferilskrá. Einnig er beðið um kynningarbréf þar sem umsækjandi rökstyður ástæður þess að vera rétta manneskjan í starfið.

Nánari upplýsingar um starfið veita Hildur Droplaug Pálsdóttir skrifstofustjóri sálfræðideildar (hildur@ru.is) og Ester Gústavsdóttir (esterg@ru.is) mannauðsstjóri.

Umsóknarfrestur er til og með 6. janúar 2025 og skal umsóknum skilað á vef Háskólans í Reykjavík. Farið er með allar fyrirspurnir og umsóknir sem trúnaðarmál.

Í Háskólanum í Reykjavík er lögð er áhersla á að skapa alþjóðlegan vinnustað sem fagnar fjölbreytileika og einkennist af virðingu fyrir einstaklingum og störfum þeirra. Akademískar deildir HR eru sjö: iðn- og tæknifræðideild, lagadeild, viðskiptadeild, tölvunarfræðideild, verkfræðideild, sálfræðideild og íþróttafræðideild. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu.

Auglýsing birt17. desember 2024

Umsóknarfrestur6. janúar 2025

Tungumálahæfni