Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Tæknimaður á upplýsingatæknisviði

Upplýsingatækni Háskólans í Reykjavík leitar að kraftmiklum einstakling í þjónustuteymi. Við leitum að einstakling sem býr yfir ríkri þjónustulund og hefur ánægju af mannlegum samskiptum, er áreiðanlegur, skipulagður og sjálfstæður í starfi. Í boði er spennandi starf í lifandi og metnaðarfullu háskólaumhverfi. Starfið veitir ýmis tækifæri til að sýna frumkvæði og vera með í að skapa framúrskarandi náms- og starfsumhverfi fyrir nemendur og starfsmenn.

Helstu verkefni og ábyrgð

Dagleg tölvu- og tækniþjónusta við nemendur og starfsfólk HR. Daglegur vinnutími er frá 8-16.

Menntunar- og hæfniskröfur

Góð þekking á Windows og Mac OS stýrikerfum
Prófgráður í Windows og/eða Mac er kostur
Góð almenn þekking á jaðarbúnaði er kostur
Önnur reynsla sem nýtist í starfi
Framúrskarandi þjónustulund og jákvætt viðmót
Góð íslensku- og enskukunnátta

Æskilegt er að viðkomandi geti hafið störf sem fyrst. Með öllum umsóknum skal fylgja góð ferilskrá. Einnig er valkvætt af láta fylgja með kynningarbréf þar sem umsækjandi getur rökstutt ástæður þess að vera rétta manneskjan í starfið.

Umsóknarfrestur er til og með 19. desember 2024.

Nánari upplýsingar veitir Ester Gústavsdóttir, (esterg@ru.is) mannauðssérfræðingur og Kristján H Hákonarson, (kristjanh@ru.is) forstöðumaður upplýsingatækni. Umsóknum skal skilað á vef Háskólans í Reykjavík. Farið er með allar fyrirspurnir og umsóknir sem trúnað.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra.

Auglýsing birt13. desember 2024

Umsóknarfrestur19. desember 2024

Tungumálahæfni