Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Akademísk staða í raforkuverkfræði

Háskólinn í Reykjavík óskar eftir að ráða í akademíska stöðu við verkfræðideild. Ráðið er í stöðu lektors, dósents eða prófessors og verður starfsheiti ákvarðað út frá formlegu hæfnismati. Deildin hvetur konur sérstaklega til að sækja um stöðuna.

Helstu verkefni og ábyrgð

Viðkomandi mun kenna um það bil þrjú námskeið á ári.

Gert er ráð fyrir að viðkomandi geti þróað námskeið á grunn- og meistaranámsstigi á sviði raforku og raforkukerfa.

Að þróa og afla fjármögnunar fyrir rannsóknarverkefni og að leiðbeina framhaldsnemum og nýdoktorum.

Gert er ráð fyrir að viðkomandi taki þátt í stjórnunarstörfum svo og öðrum tilfallandi verkefnum bæði innan deildarinnar og háskólans.

Gert er ráð fyrir að viðkomandi taki virkan þátt í uppbyggingu og utanumhaldi á samstarfi við atvinnulífið.

Menntunar- og hæfniskröfur

Doktorspróf í rafmagnsverkfræði eða skyldu sviði.

Haldbær reynsla af sjálfstæðum rannsóknum er tengjast raforkuverkfræði.

Reynsla af kennslu, skipulagi og uppsetningu námskeiða er kostur.

Starfsreynsla tengd raforkuverkfræði er kostur.

Færni í mannlegum samskiptum og hæfni til að vinna með fjölbreyttum teymum á ólíkum sviðum

Þess er krafist að viðkomandi hafi fullt vald á ensku.

Umsóknarferlið

Sækja skal um starfið í gegnum starfavef HR og meðfylgjandi skal vera:

Kynningarbréf þar sem kemur fram hvort umsækjandi óski eftir lektors-, dósents- eða prófessorsstöðu.

Náms- og starfsferilskrá ásamt yfirliti yfir ritrýndar greinar.

Afrit af viðeigandi prófskírteinum.

Greinagerð um rannsóknir og framtíðaráherslur.

Greinagerð um kennslu og kennsluaðferðir.

Aðrar upplýsingar sem umsækjandi óskar eftir að láta fylgja með.

Nöfn, heimilisföng vinnustaða, netföng og símanúmer hjá þremur meðmælendum.

Nánari upplýsingar um starfið veitir Ármann Gylfason, deildarforseti verkfræðideildar, (armann@ru.is). Farið verður með allar fyrirspurnir og umsóknir sem trúnaðarmál.

Raforkuverkfræði

Verkfræðideild Háskólans í Reykjavík býður upp á grunn- og meistarnám í Raforkuverkfræði í góðu samstarfi við leiðandi fyrirtæki innanlands. Í náminu er lögð áhersla á orkukerfi, endurnýjanlega orkugjafa, orkufreka iðnaðarferla og vernd raforkukerfa.

Háskólinn í Reykjavík

Í Háskólanum í Reykjavík er lögð áhersla á að skapa alþjóðlegan vinnustað sem fagnar fjölbreytileika og einkennist af virðingu fyrir einstaklingum og störfum þeirra. Akademískar deildir HR eru sjö: tæknifræðideild, lagadeild, viðskiptadeild, tölvunarfræðideild, verkfræðideild, sálfræðideild og íþróttafræðideild. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfagleika, alþjóðlegt umhverfi, nýsköpun og góða þjónustu. Nemendur Háskólans í Reykjavík eru um 3700 í sjö deildum og starfa um 250 fastir starfsmenn við háskólann auk fjölda stundakennara.

Háskólinn í Reykjavík varð fyrstur íslenskra háskóla til að komast á lista Times Higher Education og er nú þar í hópi 350 bestu háskóla heims á lista fyrir árið 2023. Þar að auki var skólinn í 12. sæti yfir bestu minni háskóla heims árið 2022, var í fyrsta sæti, ásamt átta öðrum háskólum, varðandi meðalfjölda tilvitnana í hverja deild, og 53. sæti yfir alla háskóla 50 ára eða yngri.

Auglýsing birt4. desember 2024

Umsóknarfrestur15. janúar 2025

Tungumálahæfni