Ístak hf

Við erum framsækið verktakafyrirtæki þar sem framkvæmdagleði er í fyrirrúmi. Við veitum ávallt bestu þjónustu sem völ er á og leggjum metnað í að uppfylla kröfur viðskiptavina okkar. Hjá Ístaki starfa hátt á fimmta hundrað manns við spennandi og fjölbreytt verkefni. Við kappkostum að vera eftirsóknarverður vinnustaður í byggingageiranum þar sem hver starfsmaður er metinn að verðleikum eftir hæfni og frammistöðu án tillits til kyns, aldurs eða þjóðernis. Við leggjum mikið upp úr góðu og sveigjanlegu starfsumhverfi fyrir starfsfólkið okkar og styðjum vel við öflugt starfsmannafélag. Kynntu þér störf í boði eða leggðu inn almenna umsókn.

Vinnustaðurinn

Verkefnastjóri

Ertu skipulögð/ur, lausnamiðuð/aður og vilt taka þátt í að byggja framtíðina með öflugu teymi?

Við leitum að öflugum einstaklingi í hlutverk verkefnastjóra, sem ber ábyrgð á framleiðslustjórnun í jarðvinnu- og mannvirkjagerð. Verkefnastjóri gegnir lykilhlutverki í daglegri framkvæmd verksins og er nátengdur allri stjórnun og framvindu. Í starfinu felst að leiða fjölbreyttan og hæfileikaríkan hóp, halda utan um áætlanir, tryggja öryggi og gæði og vinna þétt með starfsmönnum og stjórnanda verksins að því að verkefnið gangi hnökralaust fyrir sig.

Þetta er spennandi tækifæri fyrir leiðtoga sem hefur brennandi áhuga á framkvæmdum og lausnamiðaðri hugsun á lifandi og krefjandi byggingarsvæði.

Helstu verkefni og ábyrgð

Magntaka og rýni verkgagna með tilliti til tæknilegra úrlausna og, eftir atvikum, þátttaka í tilboðsgerð
Gerð verkáætlana og skipulagning framkvæmda í nánu samstarfi við staðarstjóra og teymi
Þátttaka í verkfundum, upplýsingagjöf til verkkaupa og samskipti við eftirlitsaðila
Gerð vinnuteikninga og þróun hagkvæmra og framkvæmanlegra lausna fyrir einstaka verkþætti
Áætlanagerð og framkvæmd innkaupa í samráði við innkaupadeild
Uppfærsla og eftirfylgni með öryggis-, heilsu- og umhverfisáætlunum (ÖHU)
Skráning, útreikningar og utanumhald á aukaverkum og breytingum frá samningi
Greining framvindu og gerð reglulegra skýrslna um stöðu verks
Virk þátttaka í umbótastarfi og innleiðingu nýrra lausna og verklags

Menntunar- og hæfniskröfur

Háskólapróf í byggingarverkfræði eða skyldum tæknigreinum
Haldbær reynsla á sviði mannvirkjagerðar
Gott skipulag, sjálfstæð og markviss vinnubrögð, ásamt nákvæmni í tæknilegum útfærslum
Frumkvæði, lausnamiðuð hugsun og geta til að leiða faglegt samstarf
Mjög góð hæfni í mannlegum samskiptum og reynsla af teymisvinnu
Góð tölvukunnátta og reynsla af helsta hugbúnaði
Mjög góð íslenskukunnátta, í rituðu og töluðu máli
Góð enskukunnátta, í rituðu og töluðu máli