Landsnet hf.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar.Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Vinnustaðurinn

Sérfræðingur í viðhaldsstýringu

VIÐ HÖLDUM LJÓSUNUM Á LANDINU LOGANDI

Við leitum að metnaðarfullum og ábyrgum einstaklingi með frumkvæðishugsun til að sjá um áætlunargerð og skipulagningu verkefna sem snúa að rekstri og viðhaldi á flutningskerfi Landsnets. Viðkomandi kemur inn í öflugt teymi eignastýringar sem hefur það sameiginlega markmið að framúrskarandi árangur náist við rekstur flutningskerfisins. Meginstarfsstarfstöð er í Reykjavík en starfsvettvangur um allt land.

Okkar hlutverk er að undirbúa Landsnet fyrir framtíðina – hvort sem það felur í sér nýja tækni, aukinn raforkuflutning, nýja viðskiptavini eða breyttar áherslur í orkumálum. Ef þú hefur áhuga á að taka þátt í þessari þróun og vinna að verkefnum sem skipta samfélagið máli, gæti þetta verið rétta starfið fyrir þig!

Helstu verkefni og ábyrgð

Áætlunargerð fyrir eftirliti og viðhaldi á eignum flutningskerfisins
Undirbúningur verkefna og vikuskipulag vinnuflokka
Verkefnastjórnun smærri verkefna
Þátttaka í stöðugum umbótum og uppbygging eignastýringar

Menntunar- og hæfniskröfur

Við leitum að liðsfélaga sem er með

Menntun á sviði rafmagnsiðnfræði, tækni- eða verkfræði
Reynslu við störf á rafmagnssviði
Áhuga og reynslu af verkefnastýringu
Frumkvæði, drifkraft og sjálfstæði í starfi.
Jákvætt, uppbyggilegt og lausnamiðað viðhorf.

Fríðindi í starfi

Af hverju að velja Landsnet?

Hjá Landsneti starfar samhentur hópur fólks sem vinnur saman að því að tryggja stöðugan rekstur raforkukerfisins og stuðla að þróun og framtíðarsýn í orkumálum.

Við bjóðum skemmtilegt vinnuumhverfi með aðstöðu til líkamsræktar, frábæru mötuneyti, stöðuga þjálfun og fræðslu til starfsþróunar og tækifæri til að vinna með frábæru fólki að samfélagslega mikilvægum verkefnum!

Umsóknarfrestur er til og með 22. maí 2025.

Við hvetjum alla áhugasama til að sækja um, óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þú vilt bætast í hópinn.

Nánari upplýsingar veitir: Hólmgrímur E Bragason, mannauðssérfræðingur, [email protected]

Öllum umsóknum verður svarað og farið með þær sem trúnaðarmál.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar. Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Auglýsing birt7. maí 2025

Umsóknarfrestur22. maí 2025

Tungumálahæfni