Vefforritun í TypeScript

Moodup leitar að starfsmanni í vefforritun. Í starfinu felst tæknileg aðstoð við viðskiptavini auk vöruþróunar, viðbóta og villulagfæringa hugbúnaðarþjónustunnar. Stakkur er React/Node/Postgres í TypeScript/SQL. Um er að ræða 100% starfshlutfall og þarf umsækjandi að geta hafið störf sem fyrst.

Moodup er ungt og ört vaxandi hugbúnaðarfyrirtæki sem mælir starfsánægju hjá 40.000 starfsmönnum á rúmlega 100 vinnustöðum. Moodup sendir starfsfólki reglulegar kannanir þar sem það tjáir sig í skjóli nafnleyndar. Stjórnendur geta síðan skoðað, greint, rætt og unnið með niðurstöður mælinga í mælaborði til að bæta starfsumhverfið. Sjá nánar á Moodup.is.

Þrír starfsmenn eru hjá Moodup í dag: framkvæmdastjóri, tæknistjóri og sölu- og markaðsfulltrúi. Við erum með skrifstofu í Sjávarklasanum úti á Granda, sem er samvinnurými (e. coworking space) með 70 fyrirtækjum. Í boði er að vinna hluta starfsins í fjarvinnu.

Nánari upplýsingar veitir Davíð Tómas Tómasson, framkvæmdastjóri, á netfanginu david@moodup.is