Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Simans eru einfaldleiki og framsækni.

Vinnustaðurinn

Síminn leitar að sérfræðingi í internetlausnum

Við leitum að öflugum einstaklingi í starf sérfræðings í internetlausnum á tækniþróunarsviði fyrirtækisins. Viðkomandi kemur að þróun og rekstri á lausnum, kerfum og endabúnaði með það að markmiði að tryggja gæði internet þjónustu Símans. Verkefnin eru fjölbreytt og krefjast mikillar fag- og tækniþekkingar.

Helstu verkefni og ábyrgð

Þróun og rekstur kerfa sem styðja við internetþjónustu
Vinna að nýjum lausnum fyrir viðskiptavini
Greina gögn til að bæta ferla og þjónustu
Þátttaka í prófunum á endabúnaði fyrir internet
Styðja framlínuteymi Símans við lausn tæknivandamála

Menntunar- og hæfniskröfur

Háskólamenntun í verkfræði, tæknifræði, tölvunarfræði eða sambærilegu sviði
Þekking á forritun er kostur
Reynsla af Linux og AWS er kostur
Góð íslensku- og enskukunnátta er skilyrði
Sjálfstæð vinnubrögð og lausnamiðuð hugsun
Þjónustulund og færni í mannlegum samskiptum

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Hjá Símanum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 12. janúar 2025.

Nánari upplýsingar veitir mannaudur@siminn.is

Í anda jafnréttisstefnu Símans hvetjum við öll kyn til að sækja um.

Auglýsing birt30. desember 2024

Umsóknarfrestur12. janúar 2025

Tungumálahæfni