Eir hjúkrunarheimili

Eir hjúkrunarheimili í Grafarvogi tók til starfa árið 1993. Eir tryggir umfangsmikla og fjölbreytta starfsemi fyrir lasburða eldri borgara og er meðal stærstu hjúkrunarheimila landsins með samtals 185 pláss. Unnt er að bjóða sérlausnir fyrir ýmsa hópa svo sem aðstöðu fyrir blinda og sjónskerta hjúkrunarsjúklinga, einstaklinga með heilabilun á öllum stigum svo sem dagdeildir og heimilisdeildir. Á Eir er líka endurhæfingardeild þar sem einstaklingum frá Landspítala býðst endurhæfing eftir heilsufarsáföll. Á endurhæfingardeildinni hefur náðst frábær árangur þar sem yfir 90% skjólstæðinga útskrifast heim. Hjá okkur starfar öflugur og fjölbreyttur hópur starfsfólks með fjölbreytta menntun og starfsreynslu að baki. Ef þú vilt bætast í teymið okkar, sendu okkur þá umsókn !

Vinnustaðurinn

Spennandi staða hjúkrunardeildarstjóra á Eir

Laus er sérstaklega spennandi staða hjúkrunardeildarstjóra á Eir hjúkrunarheimili. Starfið felur í sér fjölbreytt verkefni tengd skipulagi á stuðningsþjónustu og heimahjúkrun ásamt vinnu á sérhæfðri hjúkrunardeild fyrir konur.

Deildarstjóri er leiðandi í allri starfsemi, hefur frumkvæði, getur unnið sjálfstætt en um leið mikilvægur hluti af teymisvinnu. Hann skipuleggur og stjórnar daglegri starfsemi og tekur þátt í þverfaglegu samstarfi og spennandi framþróun. Hann er lykilaðili í faglegu og metnaðarfullu starfi þar sem virðing, vellíðan og virkni eru leiðarljós í leik og starfi.

Upplagt starf fyrir hjúkrunarfræðinga sem búa í Grafarvogi eða nágrenni og eru þreyttir á umferðinni 😊

Starfs- og ábyrgðarsvið

Fagleg, rekstrarlega og starfsmannaábyrgð í samræmi við stefnu og markmið heimilisins.
Ábyrgðarskylda gagnvart heimilinu, skjólstæðingum, aðstandendum og samstarfsfólki.
Skipulag og þróun á starfsemi í samræmi við þarfir þjónustuþega - í samstarfi við aðrar starfsstöðvar.
Eftirlit og mat á gæðum hjúkrunar.
Ráðgjöf og fræðsla til íbúa og aðstandenda.
Teymisvinna innan heimilis.
Seta í hjúkrunarráði sem ábyrgðaraðili.

Menntunar- og hæfniskröfur

B.Sc. próf í hjúkrunarfræði og leyfisbréf frá Embætti landlæknis.
Reynsla af stjórnun er kostur.
Viðbótarnám sem nýtist í starfi er kostur.
Reynsla af RAI-mælitækinu er kostur.
Framúrskarandi samskiptahæfileikar.
Frumkvæði, skipulögð vinnubrögð og faglegur metnaður.
Jákvætt viðmót og samskiptahæfni.
Góð íslenskukunnátta er skilyrði.

Boðið er upp á:

Skemmtileg, fjölbreytt og krefjandi verkefni.
Frábært tækifæri til að hefja stjórnunarferillinn, þar sem áhersla er lögð á þjálfun og stuðning í starfi.
36 stunda vinnuviku.

Umsóknarfrestur:

Umsóknarfrestur er til og með 27.nóvember 2024 og hvetjum við öll áhugasöm sem uppfylla ofangreindar hæfnikröfur til að sækja um starfið. Öllum umsóknum verður svarað.

Frekari upplýsingar um starfið veitir

Þórdís Hulda Tómasdóttir, framkvæmdastjóri hjúkrunarsviðs, á netfangið Thordis@eir.is

Eir, Hamrar og Skjól hjúkrunarheimili hafa hlotið jafnlaunavottun í samræmi við kröfur staðalsins ÍST 85.

Auglýsing birt7. nóvember 2024

Umsóknarfrestur27. nóvember 2024

Tungumálahæfni