Sölustjóri Evrópu
Vegna aukinna umsvifa óskar KAPP eftir að ráða öflugan og metnaðarfullan einstakling til starfa á sölusvið félagsins. Um er að ræða fjölbreytt og áhugavert starf við fyrsta flokks vinnuaðstæður í höfuðstöðvum KAPP í Kópavogi og hjá KAPP Skaganum ehf á Akranesi.
Um 100% starfshlutfall er að ræða og tekur umfang, ábyrgð og vinnuskylda mið af því. Vegna eðli starfsins þarf starfsmaður að geta sinnt störfum utan hefðbundins vinnutíma og að geta ferðast umtalsvert á vegum félagsins, sem kann að vera allt að 75-100 dagar á ári.
KAPP er tæknifyrirtæki sem sérhæfir sig í kæliþjónustu, vélasmíði, innflutningi og þjónustu á tækjabúnaði fyrir sjávarútveg, fiskeldi og annan iðnað.
KAPP framleiðir OptimICE® krapakerfi, forkæla og RAF sprautuvélarkerfi. Hjá KAPP Skaganum er framleiddur kæli- og frystibúnaður sem seldur er um allan heim. Félögin reka öflug renni-, stál-, véla-, rafmagns- og kæliverkstæði.
Ábyrgð á sölumálum í Evrópu þvert á félögin KAPP ehf, KAPP Skaginn ehf og KAMI Tech Inc.
Ábyrgð á uppbyggingu sölumála í Evrópu, í samráði við aðra lykilstjórnendur sem og aðstoð við önnur söluverkefni utan Evrópu.
Ábyrgð á að afla sölutekna með sölu á tækjum og tæknilausnum, sem og þjónustu og varahlutum sem félögin hafa upp á að bjóða.
Stuðningur við sölustjóra og lykilstjórnendur við að annast sölumál félagsins í samræmi við stefnu og áætlanir þess.
Hlutverk sölustjóra er enn fremur að efla viðskiptatengsl við núverandi og nýja viðskiptavini ásamt því að greina þarfir þeirra og bjóða upp á faglega ráðgjöf og sölu.
Undir starfið fellur meðal annars að leiða og taka þátt í allri vinnu er kemur að:
- Sölumálum, þ.m.t. tilboðsgerð og sölusamningar, skráning þeirra og skjölun.
- Heimsóknir til viðskiptavina og móttaka viðskiptavina.
- Ráðgjöf um vörur, lausnir og þjónustu félagsins.
- Stuðningur við markaðsstjóra KAPP m.a. er kemur að auglýsingum og skipulagi á þátttöku á sölusýningum.
- Þáttaka í sölusýningum.
Starf Sölustjóra Evrópu heyrir undir Sölustjóra KAPP og Aðstoðarforstjóra KAPP.
- Háskólanám sem nýtist í starfi.
- Að lágmarki þriggja ára starfsreynsla á sviði alþjóðlegra sölumála.
- Gott vald á MS Office lausnum of reynsla af Salesforce kostur.
- Frumkvæði og geta til að vinna sjálfstætt.
- Góð íslensku- og enskukunnátta og fleiri tungumál kostur.
- Jákvæðni og færni í mannlegum samskiptum.
- Geta unnið undir álagi og reynsla af fjölbreyttu starfi kostur.
Enska
Íslenska
