Billboard og Buzz

Billboard umhverfismiðlar laga sig að þínum þörfum, hvort sem þær tengjast uppbyggingu vörumerkja, þar sem endurtekning skilaboða yfir langan tíma skiptir mestu máli, eða markaðssetningu til skemmri tíma, þar sem öllu skiptir að fá fólk til að bregðast hratt við. Þín markmið skipta okkur máli og við hjálpum þér að ná þeim. Umhverfismiðlar eru áhrifaríkur og hagkvæmur auglýsingakostur sem býður upp á ótal tækifæri til að ná til neytenda á ferð um höfuðborgarsvæðið og nágrenni. Fólk fer oftast sömu leiðirnar og rannsóknir sýna að neytendur sem sjá sama vörumerkið endurtekið eru líklegir til að velja það umfram önnur. Dreifing um allt höfuðborgarsvæðið gefur því möguleika á mikilli dekkun – og tíðni á stuttum tíma.

Vinnustaðurinn

Sölustjóri Billboard

Ertu drífandi leiðtogi með mikla sölureynslu og brennandi metnað til að ná árangri?

Billboard leitar að öflugum sölustjóra sem er tilbúinn að taka forystu í að leiða og þróa söluteymi fyrirtækisins með skýrri sýn og krafti. Við viljum fá til liðs við okkur einstakling sem nær árangri með því að hvetja aðra, byggja upp traust viðskiptatengsl og getur unnið að markvissum umbótum.

Í þessu krefjandi og spennandi hlutverki færðu tækifæri til að hafa áhrif, bæði innan teymisins og út á við – og vera lykilaðili í áframhaldandi vexti Billboard. Ef þú hefur ástríðu fyrir sölu, býrð yfir framúrskarandi samskiptahæfni og leiðtogahæfni, þá viljum við heyra frá þér.

Helstu verkefni og ábyrgð

Ábyrgð á daglegum rekstri deildarinnar
Setja skýra stefnu og markmið og fylgja þeim eftir af krafti
Auka ánægju viðskiptavina Billboard með framúrskarandi þjónustu og sérsniðnum lausnum
Sölu- og þjónustustýring verkefna sem stuðla að sterkum viðskiptatengslum
Þátttaka í fjölbreyttum og spennandi verkefnum sem stuðla að þróun auglýsingasölu Billboard

Menntunar- og hæfniskröfur

Menntun og/eða reynsla sem nýtist í starfi
Reynsla af sölustýringu
Reynsla af því að leiða teymi
Góð þekking á íslensku atvinnulífi
Drifkraftur og ástríða til að ná árangri í starfi
Framúrskarandi samskiptahæfni og færni til að hvetja aðra til árangurs

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Billboard og Buzz er dótturfyrirtæki Símans og nýtir styrk þess til þess að ná markmiðum sínum. Hjá Símanum og dótturfélögum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 4. maí 2025.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt25. apríl 2025

Umsóknarfrestur4. maí 2025

Tungumálahæfni