Rarik ohf.

Rarik er fjölskylduvænt og leiðandi tæknifyrirtæki með ríka samfélagslega ábyrgð. Hlutverk okkar er að auka verðmætasköpun og lífsgæði viðskiptavina með öruggri afhendingu á endurnýjanlegri orku og samfélagslega ábyrgum rekstri. Hjá okkur vinna rúmlega 200 á 20 starfsstöðvum vítt og breytt um landið og öll sérfræðistörf hjá okkur eru auglýst óháð staðsetningu sem þýðir að hægt er að velja á milli starfsstöðva. Við leggjum áherslu á fjölbreyttan mannauð og tökum vel á móti alls konar fólki.

Vinnustaðurinn

Deildarstjóri launaþjónustu

Býr laun-afl í þér? Við leitum að nákvæmum og reynslugóðum deildarstjóra launaþjónustu. Tengdu þig við okkur og taktu þátt í að byggja upp trausta undirstöðu þriðju orkuskiptanna.

Helstu verkefni og ábyrgð

Starfsfólk okkar vinnur fjölbreytt störf vítt og breitt um landið, deildarstjóri launaþjónustu hefur umsjón með launavinnslu, frágangi launa, umsjón tíma- og launaskráningarkerfa og eftirlit með skráningum í viðverukerfi. Við leitum að þjónustuglaðri manneskju í þetta starf en í því felst þjónusta við bæði starfsfólk okkar og stjórnendur, úrlausn flókinna verkefna og túlkun kjarasamninga. Einnig þarf að vinna greiningar, samantektir og úrvinnslu á sviði kjara- og mannauðsmála.

Menntunar- og hæfniskröfur

Rétta manneskjan í starfið er nákvæm og hefur reynslu af launa- og tímaskráningarkerfum auk þekkingar á kjarasamningum og jafnlaunakerfi. Við leitum að skipulagðri, nákvæmri og sjálfstæðri manneskju sem er lipur í samskiptum og með ríka þjónustulund. Gott er að búa yfir góðu talnalæsi og hafa ánægju af því að vinna með gögn og tölur. Reynsla af mannauðsmálum og þekking á mannauðskerfinu Kjarna er æskileg.

Rarik er þekkingar- og þjónustufyrirtæki í fararbroddi sem starfar af ábyrgð og nýtir bestu fáanlegu tækni með gagnkvæman hag að leiðarljósi. Hjá okkur gefst starfsfólki tækifæri til að glíma við spennandi og krefjandi verkefni í faglegu umhverfi og vinna með teymi sérfræðinga að því að tryggja trausta undirstöðu fyrir þriðju orkuskiptin á Íslandi.  

Staða deildarstjóra launaþjónustu er auglýst án staðsetningar sem þýðir að hægt er að sinna starfinu á einhverri af skrifstofum okkar víðsvegar um land. Við leggjum áherslu á jafnrétti og fjölbreytileika mannauðs og tökum vel á móti alls konar fólki.  

Settu þig í samband við Rarik og láttu strauminn rætast!  

Nánari upplýsingar veitir Sverrir Briem hjá Hagvangi, í gegnum netfangið [email protected]  

Auglýsing birt23. apríl 2025

Umsóknarfrestur12. maí 2025

Tungumálahæfni