Laus störf Hæfnileit Vinnustaðir Námskeið

Reykjaböð

Reykjaböð er nýtt náttúrulón og heilsulind sem opnar vorið 2026 við rætur Reykjadals í Hveragerði.

Sölu- og markaðsstjóri

Við leitum að öflugum og framsýnum einstaklingi til að leiða sölu- og markaðsstarf Reykjabaða. Viðkomandi ber ábyrgð á að útbúa og fylgja eftir stefnu í sölu- og markaðsmálum, auk þess að skipuleggja og framkvæma aðgerðir þannig að markmið náist og að allar aðgerðir séu í takt við stefnu og framtíðarsýn Reykjabaða.

Um er að ræða skemmtilegt og fjölbreytt starf fyrir aðila sem vill hafa áhrif á mótun nýs áfangastaðar og skapa einstaka upplifun fyrir gesti.

Helstu verkefni og ábyrgð

Umsjón með sölu- og markaðsmálum á einstaklingsmarkaði (B2C) og fyrirtækjamarkaði (B2B) með áherslu á lykilmarkaðssvæði.
Mótun og eftirfylgni sölu- og markaðsáætlunar.
Skipulag og framkvæmd sölu- og markaðsaðgerða.
Þróun, umsjón og uppfærslur á vef og samfélagsmiðlum.
Stýra beinni sölu til gesta og þróa nýjar leiðir til að koma til móts við þarfir viðskiptavina og auka tekjur.
Byggja upp og viðhalda sterkum tengslum við núverandi og nýja viðskiptavini.
Ábyrgð með gerð, uppfærslu og eftirfylgni sölusamninga við viðskiptavini.
Fylgjast með nýjustu straumum og tækni í sölu- og markaðsmálum, greina þróun markaða og bregðast hratt við breytingum til að tryggja samkeppnishæfni.
Þátttaka í sýningum og sölufundum innanlands og erlendis.
Mánaðarlegar söluskýrslur og greiningar á sölutölum og markaðsupplýsingum.
Eftirfylgni með áætlunum, regluleg greining gagna og skýrslugerð.
Samskipti við samstarfsfólk, samstarfsaðila og þátttaka í ýmsum verkefnum sem tengjast rekstri og þjónustu Reykjabaða.
Önnur tilfallandi verkefni.

Menntunar- og hæfniskröfur

Háskólapróf sem nýtist í starfi. Framhaldsmenntun er kostur.
Reynsla af árangursríkri forystu í sölu- og markaðsstarfi.
Framúrskarandi hæfni í samskiptum ásamt þjónustulund og lausnamiðaðri hugsun.
Faglegur metnaður, framkvæmdagleði og rík áhersla á sölutengdan árangur.
Geta til að þróa og setja fram markaðs- og kynningarefni fyrir fjölbreytta miðla.
Góð þekking á stafrænum miðlum, efnismiðlun, leitarvélabestun og vefgreiningartólum.
Hæfni til að miðla efni á íslensku og ensku, bæði skriflega og í tali.
Jákvætt viðhorf, skapandi hugsun og hugmyndaauðgi.
Góð tölvu- og hugbúnaðarkunnátta og tæknilæsi.
Hæfni í greiningu og úrvinnslu gagna, mælinga og lykilmælikvarða.
Sjálfstæð vinnubrögð sem og hæfni í teymisvinnu.
Sveigjanleiki, yfirsýn og geta til að vinna undir álagi.

Reykjaböð er nýtt náttúrulón og heilsulind sem opnar vorið 2026 við rætur Reykjadals í Hveragerði. Við bjóðum upp á fjölbreytt upplifunarsvæði þar sem hver og einn finnur sitt athvarf frá öllum æsingnum. Hér getur þú notið augnabliksins, endurnærst í heitum lindum og fundið orkuna sem býr í íslenskri náttúru, hvort sem það er á björtum sumarkvöldum eða undir dansandi norðurljósum. Okkar markmið er að skapa eftirminnilega upplifun í einstöku umhverfi þar sem stórbrotin náttúrufegurð, kraumandi jarðhiti, íslensk menning og vellíðan renna saman.

Umsóknarfrestur er til og með 23. janúar 2026. Æskilegt er að viðkomandi geti hafið störf sem fyrst. Umsókn um starfið skal skilað gegnum umsóknargátt Alfreðs og þarf henni að fylgja ferilskrá með upplýsingum um umsagnaraðila og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi. Allir áhugasamir eru hvattir til að sækja um, óháð kyni og uppruna. Farið er með allar umsóknir og fyrirspurnir sem trúnaðarmál og þeim svarað að ráðningu lokinni.

Nánari upplýsingar um starfið veitir Jóhanna Hreiðarsdóttir framkvæmdastjóri á netfanginu [email protected].

Auglýsing birt12. janúar 2026

Umsóknarfrestur23. janúar 2026

Tungumálahæfni