Laus störf Hæfnileit Vinnustaðir Námskeið

Harpa tónlistar- og ráðstefnuhús

Hjá Hörpu tónlistar- og ráðstefnuhúsi starfar rúmlega 90 manna samhentur og metnaðarfullur hópur í skapandi og skemmtilegu starfsumhverfi. Hlutverk Hörpu er að vera vettvangur fyrir tónlistar- og menningarlíf sem og hvers konar ráðstefnur, fundi og samkomur, innlendar og erlendar. Hlutverk hússins er jafnframt að vera menningarmiðstöð fyrir alla landsmenn og áfangastaður innlendra og erlendra ferðamanna. Harpa leggur ríka áherslu á sjálfbærni og hefur mótað sér mannréttinda- og jafnréttisstefnu, hefur hlotið jafnlaunavottun og viðurkenningu Jafnvægisvogarinnar 2024. Harpa er Svansvottað ráðstefnuhús og hefur uppfyllt öll Græn skref Umhverfisstofnunar um rekstur.

Vinnustaðurinn

Markaðsfulltrúi hjá Hörpu

Ert þú skapandi og metnaðarfullur einstaklingur með brennandi áhuga á efnissköpun, textaskrifum og stafrænni miðlun?

Harpa leitar að markaðsfulltrúa í 80% starf.

Viðkomandi þarf að hafa góða miðlunarhæfileika, gott auga fyrir framsetningu og hæfni til að vinna með hugmyndir frá upphafi til birtingar. Góð hæfni í samskiptum, hugmyndaauðgi og snerpa í vinnubrögðum. Starfið hentar vel þeim sem hefur býr yfir metnaði og færni til að þróa og vinna framúrskarandi efni fyrir vef, samfélagsmiðla og innri miðla Hörpu og vill vera virkur þátttakandi í lifandi starfsemi hússins.

Helstu verkefni og ábyrgð

Umsjón og þróun efnis á vef Hörpu.
Hugmyndavinna, efnissköpun og úrvinnsla efnis fyrir samfélagsmiðla.
Uppsetning og útsending fréttatilkynninga, markpósta og kannana.
Umsjón og þróun efnis á innri vef Hörpu.
Umsjón með merkingum, skiltum og skjáum í Hörpu.
Þátttaka í innri og ytri markaðs- og kynningaraðgerðum.
Önnur tilfallandi verkefni á sviði markaðs- og kynningarmála.

Menntunar- og hæfniskröfur

Háskólamenntun með áherslu á markaðsfræði, miðlun, hönnun eða sambærilegu er kostur.
Reynsla af markaðsstarfi nauðsynleg, að lágmarki þrjú ár.
Góð þekking og reynsla af stafrænni markaðssetningu og kynningarstarfi.
Reynsla af vinnu í vefumsjónarkerfum er skilyrði.
Mjög góð íslensku- og enskukunnátta og mikil færni í textagerð.
Reynsla af grafískri vinnu og notkun hönnunarforrita er kostur.
Þekking og reynsla af ljósmyndun og myndbandsgerð er kostur.
Skapandi hugsun, frumkvæði og sjálfstæð vinnubrögð.
Skipulagshæfni og geta til að sinna fjölbreyttum verkefnum samtímis.

Fríðindi í starfi

Samgöngusamningur eða bílastæði, gott mötuneyti, símastyrkur, íþróttastyrkur og frábært starfsmannafélag

Nánari upplýsingar um starfið veitir Þórunn Hannesdóttir, [email protected]

Auglýsing birt12. janúar 2026

Umsóknarfrestur20. janúar 2026

Tungumálahæfni