Teymisstjóri ráðgjafateymis í upplýsingaöryggi

Syndis leitar að öflugum og drífandi teymisstjóra til að leiða hóp sérfræðinga sem sinna ráðgjöf í upplýsingaöryggi.

Teymisstjóri sinnir lykilhlutverki og ber ábyrgð á daglegri starfsemi ráðgjafateymisins, auk þess að sinna verkefnastýringu, verkefnaöflun, og samskiptum við viðskiptavini.

Við leitum að manneskju með mikinn áhuga á upplýsingatækni- og netöryggi, hefur sterka leiðtogahæfileika, og er tilbúin að taka virkan þátt í áframhaldandi vexti og þróun þjónustu Syndis.

Helstu verkefni og ábyrgð:

• Leiða ráðgjafateymi Syndis í upplýsinga- og netöryggi
• Verkefnaöflun og -úthlutun fyrir teymið
• Stýra verkefnum, tryggja framvindu, gæði og að áætlanir standist
• Byggja upp og viðhalda tengslum við viðskiptavini
• Veita teyminu hvetjandi forystu og styðja við þróun einstaklinga
• Stýra verkefnaálagi, forgangsröðun og nýtingu mannafla
• Vinna náið með öðrum teymum og stjórnendum innan fyrirtækisins
• Þátttaka í stefnumótun teymisins

Hæfnis- og menntunarkröfur:

• Háskólamenntun sem nýtist í starfi
• Leiðtogahæfileikar og mjög góð færni í mannlegum samskiptum
• Lausnamiðuð hugsun
• Mikið frumkvæði, skipulagshæfni og sjálfstæði í starfi
• Þjónustumiðuð hugsun
• Gífurlegur áhugi á tækni og netöryggismálum
• Gott vald á íslensku og ensku, bæði í töluðu og rituðu máli

Fríðindi í starfi:

• Sveigjanleiki í starfi
• Fyrsta flokks mötuneyti
• Fríðindi tengd fæðingarorlofi
• Öflugt félagslíf
• Líkamsræktaraðstaða
• Íþróttastyrkur, samgöngustyrkur og fleiri fríðindi

Um Syndis

Syndis er leiðandi fyrirtæki í upplýsingaöryggi sem sérhæfir sig í öryggislausnum og ráðgjöf á alþjóðamarkað. Fyrirtækið er í örum vexti og starfa þar nú yfir 70 öryggissérfræðingar bæði hér á landi og erlendis. Höfuðstöðvar Syndis eru í Borgartúni 37 í Reykjavík en við erum einnig með starfsstöðvar í Svíþjóð (Stokkhólmi) og Póllandi.

Við bjóðum upp á inngildandi vinnustað, fyrsta flokks félagslíf, samkeppnishæf kjör og mjög góð starfsmannafríðindi. Vinnuumhverfið er fjölskylduvænt, vinnutíminn sveigjanlegur, heimavinna eftir hentisemi og góður stuðningur við þróun í starfi og endurmenntun.

Erum við að leita að þér?

Ef þér finnst hlutverkið sem um ræðir spennandi, sendu okkur endilega umsókn með ferilskrá og kynningarbréfi. Sótt er um starfið á starfavef Syndis. Umsóknarfrestur er til 19. janúar.

Allar umsóknir og fyrirspurnir verða meðhöndlaðar sem trúnaðarmál og þeim svarað. Upplýsingar um starfið veita Guðrún Valdís Jónsdóttir, forstöðumaður ráðgjafasviðs ([email protected]) og Eva Demireva, mannauðsstjóri ([email protected]).