Sölustjóri húsgagna - A4

A4 leitar að metnaðarfullum og reynslumiklum einstaklingi í starf sölustjóra húsgagna. Um er að ræða krefjandi og spennandi stjórnunarstarf þar sem viðkomandi leiðir öflugt teymi sem fyrirliði í sölu, byggir upp sterk viðskiptasambönd og ber ábyrgð á áframhaldandi vexti húsgagnasölu A4.

Sölustjóri húsgagna ber ábyrgð á daglegum rekstri deildarinnar, söluárangri, þjónustu við lykilviðskiptavini og þróun nýrra viðskiptatækifæra. Leitað er að drífandi leiðtoga sem hefur skarpa sýn á markaðinn og nýtur þess að finna nýjar leiðir til vaxtar.

Við leitum eftir einstaklingi sem er tilbúinn í nýjar áskoranir í skemmtilegu starfsumhverfi.
Um er að ræða fullt starf og æskilegt er að viðkomandi geti hafið störf sem fyrst.

Helstu verkefni

• Ábyrgð á daglegum rekstri og stjórnun húsgagnadeildar
• Ábyrgð á núverandi viðskiptasamböndum og þjónustu við lykilviðskiptavini
• Uppbygging og eftirfylgni sölu til nýrra viðskiptavina
• Greina og koma auga á ný tækifæri í sölu og þróun lausna fyrir viðskiptavini
• Áætlanagerð, markmiðasetning og eftirfylgni með söluárangri
• Forysta, hvatning og endurgjöf til starfsfólks

Hæfniskröfur

• Reynsla af sölu
• Reynsla af sölustjórnun er skilyrði
• Háskólamenntun sem nýtist í starfi
• Menntun eða reynsla sem arkitekt, innanhúshönnuður eða sambærilegt er kostur
• Þekking á íslensku atvinnulífi
• Þekking á Microsoft Business Central og CRM kerfum er kostur
• Frumkvæði, sjálfstæð vinnubrögð og sterk þjónustulund
• Jákvæðni, heiðarleiki og framúrskarandi samskiptahæfileikar
• Góð íslenskukunnátta

Nánari upplýsingar um starfið veitir Vilhjálmur Sturla, framkvæmdastjóri sölusviðs, í síma 822-2270.

Umsóknarfrestur er til 16. janúar 2026.

A4 er framsækið fyrirtæki og leggur metnað sinn í að vera í fararbroddi á sviði skrifstofu-, skóla-, föndur- og hannyrðavara og leggur áherslu á góða og trausta þjónustu við viðskiptavini. Við erum stolt af því að geta boðið upp á heimsþekkt vörumerki sem eiga það öll sameiginlegt að vera í háum gæðaflokki. Hjá fyrirtækinu starfa um 140 manns.