A4 Kringlan - hlutastarf

Verslun A4 Kringlan óskar eftir að ráða sölufulltrúa í hlutastarf. Við leitum eftir ábyrgðarfullum og sjálfstæðum einstaklingi til starfa á okkar góða vinnustað. Einstaklingurinn þarf að vera jákvæður, með góða þjónustulund sem og góða samskiptahæfni.
Unnið er aðra hvora helgi og er vinnutíminn 11:00 – 18:00 á laugardögum og sunnudögum frá kl. 12:00 – 17:00.

Æskilegt er að viðkomandi geti hafið störf sem fyrst.

Helstu verkefni:

• Sala, ráðgjöf og framúrskarandi þjónusta við viðskiptavini verslunarinnar
• Áfyllingar, framstillingar, móttaka á vörum og afgreiðsla á kassa
• Önnur almenn verslunarstörf

Hæfniskröfur og reynsla:

• Reynsla af sölu- og verslunarstörfum
• Framúrskarandi þjónustulund og áhugi á sölustörfum
• Sjálfstæði og frumkvæði í starfi
• Snyrtimennska og auga fyrir framstillingu vara
• Sveigjanleiki og geta til að vinna undir álagi
• Góð samskiptahæfni, kurteisi og jákvæðni
• Íslenskukunnátta

Umsóknarfrestur er til og með 19. janúar 2026.

Nánari upplýsingar um starfið veitir verslunarstjóri Anna í síma 580-0050.

A4 er framsækið fyrirtæki og leggur metnað sinn í að vera í fararbroddi á sviði húsgagna, skrifstofu-, skóla-, föndur- og hannyrðavara og leggur áherslu á góða og trausta þjónustu við viðskiptavini. Við erum stolt af því að geta boðið upp á heimsþekkt vörumerki sem eiga það öll sameiginlegt að vera í háum gæðaflokki. Hjá fyrirtækinu starfa um 140 manns.