Laus störf Hæfnileit Vinnustaðir Námskeið

Húsasmiðjan

Húsasmiðjan er meðal stærstu verslunarfyrirtækja landsins og hluti af Bygma Gruppen A/S. Bygma rekur fjölmargar byggingavöruverslanir í Danmörku, Svíþjóð, Færeyjum og á Grænlandi. Ásamt því rekur fyrirtækið nokkur heildsölufyrirtæki á byggingavörumarkaði í Danmörku. Húsasmiðjuverslanir eru 16 talsins og eru Blómavalsútibú í sjö þeirra. Jafnframt er rafiðnaðarverslunin Ískraft með fjögur útibú. Hjá Húsasmiðjunni starfa um 500 starfsmenn vítt og breytt um landið sem hafa margskonar bakgrunn eins og pípari, blómaskreytir, bókari, smiður, viðskiptafræði, grafískur hönnuður, múrari og fleira og fleira. Húsasmiðjan býður upp á lifandi starfsumhverfi og frábæran starfsanda. Við leggjum mikla áherslu á símenntun og fræðslu og að starfsmenn fái tækifæri til þess að eflast og þróast í starfi.

Vinnustaðurinn

Akureyri: Söluráðgjafi fagsölusviðs

Við getum bætt við okkur kraftmiklum aðila í starf söluráðgjafa í fagsölu Húsasmiðjunnar á Akureyri. Um er að ræða spennandi starf og glæsilegri verslun þar sem öll aðstaða er til fyrirmyndar.

Megin hlutverk sölufulltrúa í fagsölu er ráðgjöf og þjónusta til fagaðila í góðri samvinnu við annað starfsfólk í fagsöluteyminu. Sölufulltrúi aflar og viðheldur tengslum og viðskiptum við verktaka og aðra fagaðila, sér um tilboðsgerð og er í samskiptum við birgja.Við leitum að drífandi einstaklingi með jákvætt hugarfar sem hefur metnað og áhuga á að veita framúrskarandi þjónustu til okkar viðskiptavina.

Menntunar- og hæfniskröfur

Menntun s.s. tækni- eða iðnmenntun eða reynsla sem nýtist í starfi er mikill kostur
Þekking á byggingamarkaðnum er kostur
Brennandi áhugi og reynsla af sölu og þjónustu
Rík þjónustulund og lipurð í mannlegum samskiptum
Gott vald á íslensku og ensku
Almenn tölvukunnátta

Fríðindi í starfi

Heilsuefling, s.s. heilsufarsskoðun, bólusetning, aðgangur að sálfræðiþjónustu, heilsueflandi fræðsla
Aðgangur að orlofshúsum
Ýmsir styrkir, s.s. íþróttastyrkur, samgöngustyrkur og fræðslustyrkur
Afsláttarkjör í verslunum okkar

Nánari upplýsingar um starfið má nálgast hjá Viggó sölustjóra fagsölu á [email protected]

Við hvetjum fólk af öllum kynjum til að sækja um.

Húsasmiðjan er líflegur vinnustaður með góðan starfsanda og sterka liðsheild. Húsasmiðjan leggur áherslu á að nýta til hins ýtrasta hæfni, frumkvæði og þekkingu samhents hóps rúmlega 500 starfsmanna sem starfa hjá fyrirtækinu. Lögð er rík áhersla á símenntun og fræðslu og að starfsmenn eigi þess kost að eflast og þróast í starfi.

Gildin okkar eru: Áreiðanleiki- Þjónustulund- Þekking

Auglýsing birt5. janúar 2026

Umsóknarfrestur13. febrúar 2026

Tungumálahæfni