Sérkennari/þroskaþjálfi - Leikskólinn Víðivellir

Leikskólinn Víðivellir auglýsir eftir sérkennara/þroskaþjálfa í fullt starf, starfið er laust nú þegar eða með samkomulagi.

Við leitum að drífandi og metnaðarfullum einstakling til þess að bætast í sérkennsluteymi leikskólans. Í sérkennsluteyminu starfa 3-5 þroskaþjálfar/sérkennarar undir handleiðslu sérkennslustjóra. Auk þess mun viðkomandi sinna hlutverki tengiliðar farsældar á Víðivöllum. Lögð er sérstök áhersla á öfluga og samþætta þjónustu við þau börn sem þurfa á að halda og fjölskyldur þeirra og er skólinn í nánu samstarfi við sjúkraþjálfara, iðjuþjálfa, talmeinafræðinga og aðra sérfræðinga. Lagt er mikið upp úr því að hvert barn fái að njóta sín á sínum forsendum í barnahópnum.

Upplýsingar um leikskólann er hægt að sjá á heimasíðu Hafnarfjarðar: Víðivellir | Leikskólar í Hafnarfirði

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

• Vinnur að uppeldi og menntun barns/barna með sérþarfir þar með talið að skipuleggja sérkennslu viðkomandi í samvinnu við sérkennslustjóra og deildastjóra.
• Gerir skriflegar einstaklingsnámskrár fyrir það barn/börn sem hann er með í stuðning
• Vinnur í nánu samstarfi við foreldra/forráðamenn þess barns/barna sem hann er með í stuðning
• Er leiðbeinandi fyrir annað starfsfólk varðandi stuðning við nemendur með sérþarfir
• Vinna samkvæmt stefnu skólans
• Önnur verkefni sem sérkennslustjóri og eða yfirmaður felur starfsmanni

Menntunar- og hæfniskröfur:

• Leyfisbréf sem kennari (leyfisbréf fylgi umsókn) eða háskólamenntun á sviði þroskaþjálfunar og starfsleyfi sem slíkur
  
• Reynsla af sambærilegum störfum æskileg
• Reynsla af teymisvinnu æskileg
• Færni í samskiptum og samstarfshæfni
• Frumkvæði, sjálfstæði og faglegur metnaður
• Góð íslenskukunnátta

Fríðindi í starfi

• Heilsuræktarstyrkur
• Samgöngustyrkur
• 75% afsláttur af leikskólagjöldum
• Forgangur á leikskóla
• Bókasafnskort
• Sundkort

Skilyrði er að viðkomandi hafi hreint sakavottorð.

Fáist ekki sérkennari/þroskaþjálfi til starfsins, kemur til greina að ráða einstakling með aðra háskólamenntun sem nýtist í starfi eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um.

Upplýsingar um starfið veitir Svanhildur Birkisdóttir leikskólastjóri, svanhildurbi@hafnarfjordur.is og Eyrún Edvardsdóttir aðstoðarleikskólastjóri, eyrune@hafnarfjordur.is í síma 555-3599.

Laun samkvæmt gildandi kjarasamningi Sambands íslenskra sveitarfélaga við KÍ eða Þroskaþjálfafélag Íslands.

Umsóknarfrestur er til og með 19.nóvember 2024

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.