Skóla- og frístundaliði - Skarðshlíðarskóli

Skóla- og frístundaliði í Skarðshlíðarskóla frá 1. janúar 2025

Við auglýsum eftir drífandi og kraftmiklum skóla- og frístundaliða í 60 til 100% starfshlutfall til að taka þátt í metnaðarfullu skólastarfi með okkur.

Gildi skólans eru samvinna, vinátta og þrautseigja.

Í Skarðshlíðarskóla eru áhugasamir og skemmtilegir nemendur, metnaðarfullt starfsfólk og öflugur foreldrahópur. Við leggjum áherslu á góðan starfsanda, teymiskennslu, fjölbreytta kennsluhætti, SMT skólafærni og að allir nemendur nái góðum árangri í leik og starfi. Mílan er órjúfanlegur hluti af skólastarfinu en í því felst að nemendur og starfsfólk fer út daglega og gengur, skokkar eða hleypur í 15 mínútur.

Innleiðing á UDL (Universal Design for Learning) hófst haustið 2020. UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám.

Skarðshlíðarskóli er heildstæður grunnskóli með nemendur í 1. til 10.bekk. Skólahúsnæðið er glæsilegt og er skólinn vel tækjum búinn, með íþróttahús, útibú frá Tónlistarskóla Hafnarfjarðar og fjögurra deilda leikskóli í samtengdu skólahúsnæði.

Helstu verkefni og ábyrgð:

· Aðstoðar við almennt bekkjarstarf undir leiðsögn kennara

· Tekur á móti nemendum á morgnana

· Aðstoðar í matsal og við undirbúning matmálstíma

· Sinnir frímínútnagæslu, fylgd og gæslu í daglegu skólastarfi

· Sinnir gangavörslu og eftirliti með húsnæði og búnaði, heldur göngum og salernum snyrtilegum yfir daginn

· Starfar með nemendum með sértæka vanda

· Önnur verkefni sem yfirmaður felur starfsmanni

Menntunar- og hæfniskröfur:

· Reynsla af starfi með börnum er æskileg

· Mikill áhugi og metnaður til að starfa með börnum

· Lipurð í samskiptum, sveigjanleiki og samstarfshæfni

· Frumkvæði og sjálfstæði í vinnubrögðum

· Jákvæðni og áhugi á að starfa í skapandi og metnaðarfullu umhverfi

· Stundvísi og samviskusemi

· Mjög góð íslenskukunnátta

· Almenn tölvukunnátta

Viðkomandi þarf að geta hafið störf sem fyrst.

Skilyrði fyrir ráðningu er að viðkomandi hafi hreint sakavottorð

Nánari upplýsingar veitir Ingibjörg Magnúsdóttir, skólastjóri, í síma 6645871/ ingibjorg@skardshlidarskoli.is

Umsóknarfrestur er til og með 18. nóvember 2024.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika.