Sérfræðingur í viðskiptagreiningu og þróun markaða

Við leitum að öflugum liðsfélaga í teymi viðskiptagreiningar og þróunar markaða. Teymið gegnir lykilhlutverki í því að veita innsýn í markaðsumhverfi orkumála. Við greinum markaði og viðskiptaumhverfi Landsvirkjunar, kortleggjum breytingar og miðlum þekkingu til stjórnenda og samstarfshópa, með það að markmiði að styðja við upplýsta ákvarðanatöku og stefnumótun.

Helstu verkefni:

• greina þróun innlendra og erlendra raforkumarkaða og þeirra markaða sem snerta viðskiptavini Landsvirkjunar
• kortleggja viðskiptaumhverfið og samkeppnishæfni Íslands í breytilegu alþjóðlegu samhengi
• greina fyrirkomulag raforkuviðskipta og stuðla að aukinni þekkingu
• veita ráðgjöf og innsýn innan fyrirtækisins með gögnum, greiningum og kynningum
• koma að samskiptum við hagaðila og miðla niðurstöðum á aðgengilegan hátt, m.a. með opnum fundum og kynningum

Við leitum að einstaklingi sem:

• hefur háskólamenntun sem nýtist í starfi, t.d. í greinum eins og verkfræði, hagfræði, viðskiptafræði eða tengdum sviðum
• hefur reynslu af greiningarvinnu og framsetningu gagna
• býr yfir drifkrafti, frumkvæði og skipulagi og nýtur þess að hrinda verkum í framkvæmd
• hefur hæfni til að setja flókin gögn í samhengi, greina tækifæri og miðla niðurstöðum á skýran hátt
• er lausnamiðaður, sjálfstæður og jákvæður í samskiptum

Umsókn skal fylgja ferilskrá og kynningarbréf sem rökstyður hæfni umsækjanda til starfsins.