Sérfræðingur í innri áhættulíkönum

Landsbankinn leitar að öflugum sérfræðingi í deildina Innri áhættulíkön innan Áhættustýringar bankans. Við leitum að liðsfélaga sem býr yfir mikilli þekkingu á hönnun og notkun líkana til að leysa krefjandi verkefni, hefur áhuga á að breyta gögnum í hagnýtar upplýsingar og hæfileika til að miðla niðurstöðum á auðskiljanlegan máta.

Verkefni deildarinnar snúa að þróun líkana sem meta útlánaáhættu bankans með áreiðanlegum hætti og stuðla þannig að upplýstri og gagnadrifinni ákvarðanatöku. Unnið er úr þeim gögnum sem nauðsynleg eru fyrir þróun líkana og gerðar eru gagnagreiningar tengdar útlánaáhættu fyrir önnur svið bankans sem og eftirlitsaðila.