Laus störf Hæfnileit Vinnustaðir Námskeið

Hagstofa Íslands

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 starfsmanna. Starfsumhverfið er fjölskylduvænt með sveigjanlegum vinnutíma og styttri vinnuviku. Boðið er upp á heilsustyrk fyrir þá sem hreyfa sig og samgöngustyrk fyrir þá sem nýta umhverfisvænan ferðamáta til vinnu. Virkt starfsmannafélag skipuleggur ýmsa viðburði fyrir starfsfólk. Leiðarljós Hagstofunnar eru þjónusta – áreiðanleiki - framsækni. Frekari upplýsingar um stofnunina má finna á vef Hagstofunnar www.hagstofa.is

Vinnustaðurinn

Sérfræðingur í hagtölum um laun og tekjur

Hagstofa Íslands leitar að áhugasömum sérfræðingi í að greina gögn og miðla tölum um laun og tekjur á Íslandi.

Helstu verkefni og ábyrgð

Starfið felst í að vinna, greina og sjá um birtingar á meðallaunum og dreifingu launa á íslenskum vinnumarkaði, vinna að þróunarverkefni um tölfræði veikindafjarvista, vinna sérsniðnar greiningar fyrir notendur auk aðkomu að öðrum verkefnum sem tengjast launatölfræði Hagstofu Íslands. Í starfinu er um að ræða skemmtilega blöndu krefjandi þróunarverkefna og reglubundinnar hagtölugerðar sem snúast um opinbera launatölfræði á Íslandi.

Menntunar- og hæfniskröfur

Háskólamenntun sem nýtist í starfi
Mjög góð SQL kunnátta
Reynsla vinnu í R og/eða Python
Markverð reynsla af greiningu og miðlun talnaefnis
Góð tölfræðiþekking
Skipulögð og öguð vinnubrögð
Þrautseigja og lausnamiðuð hugsun
Framúrskarandi samskiptahæfni
Geta til að tjá sig í ræðu og riti á íslensku og ensku
Þekking á launum og launakerfum er kostur

Hvað býður Hagstofan upp á?

Krefjandi og spennandi verkefni
Vinnu í samfélagslega mikilvægu hlutverki
Skemmtilegt samstarfsfólk
Gott mötuneyti
Íþróttastyrk
Samgöngustyrk
Sveigjanlegan vinnutíma
Möguleika til fjarvinnu
Hjólageymslu og bílastæði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Með umsókn þarf að fylgja ferilskrá ásamt kynningarbréfi þar sem ítarlega er gerð grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því að umsóknafrestur rennur út. Öll kyn eru hvött til að sækja um. Tekið er mið af jafnréttisstefnu Hagstofu Íslands við ráðningar í störf.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Leiðarljós starfseminnar eru þjónusta, áreiðanleiki og framsækni. Hagstofan er staðsett í lifandi umhverfi í Borgartúninu, starfsumhverfið er jákvætt, fjölskylduvænt og sveigjanlegt og við höfum öflugt starfsmannafélag. Nánari upplýsingar má finna á www.hagstofa.is

Starfshlutfall er 100%

Nánari upplýsingar veitir

Jóda Elín V. Margrétardóttir, Mannauðsstjóri

Tölvupóstur: [email protected]

Auglýsing birt2. febrúar 2026

Umsóknarfrestur13. febrúar 2026

Tungumálahæfni