Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Sérfræðingur í Rannsóknaþjónustu

Háskólinn í Reykjavík (HR) óskar eftir að ráða öflugan og skipulagðan sérfræðing til starfa í teymi Rannsóknaþjónustu HR. Í þessu lykilhlutverki mun starfsmaður styðja rannsakendur við fjármögnun og framkvæmd rannsókna, annast skráningu rannsóknaafurða, sinna samskiptum við rannsóknarsjóði og taka þátt í þróun ferla og tæknilausna fyrir Rannsóknaþjónustu HR. Starfsmaður heyrir undir forstöðumann Rannsóknaþjónustu HR og vinnur starf sitt í samstarfi og í samráði við hann.

STARFSSVIÐ

Aðstoð við rannsakendur við styrkjasókn og utanumhald rannsóknaverkefna. Í því felst meðal annars að vakta styrkjamöguleika, styðja við gerð umsókna, skýrslugerð og fjárhagsuppgjör vegna styrkta rannsóknarverkefna.
Þátttaka í þróun ferla og innleiðingu tæknilausna fyrir Rannsóknaþjónustuna.
Er tengiliður HR við innlenda og erlenda rannsóknasjóði.
Miðlun upplýsinga sem varða rannsóknir innan skólans og utan.
Gagnaöflun, skráning og skýrslugerð um rannsóknaafurðir.
Önnur störf í samráði við yfirmann

HÆFNISKRÖFUR

Háskólagráða og reynsla af rannsóknum sem nýtist í starfinu.
Víðtæk þekking á innlendu og alþjóðlegu rannsóknastarfi (s.s. reynsla af undirbúningi samkeppnishæfra styrkumsókna, fjármögnun og utanumhaldi rannsóknaverkefna, skýrslugerð).
Mjög góð skipulagshæfni, nákvæmni og geta til að stýra mörgum verkefnum samtímis.
Framúrskarandi samskiptahæfni á íslensku og ensku, bæði í rituðu og töluðu máli.
Geta til að vinna bæði sjálfstætt og í samstarfi við akademíska starfsmenn og starfsmenn annarra stoðsviða.
Þekking á gæðamálum er kostur.

Áhugasamir einstaklingar af öllum kynjum eru hvattir til að sækja um. Með öllum umsóknum skal fylgja ferilskrá. Einnig er beðið um kynningarbréf þar sem umsækjendur rökstyðja ástæður þess að vera rétta manneskjan í starfið.

Starfið er laust þar til hæfur umsækjandi hefur verið ráðinn.

Nánari upplýsingar veitir Sigríður Lára Guðmundsdóttir, Forstöðumaður Rannsóknaþjónustu, ([email protected]) eða mannauður, ([email protected]).

Umsóknum skal skilað á vef Háskólans í Reykjavík. Farið er með allar fyrirspurnir og umsóknir sem trúnað.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Auglýsing birt2. febrúar 2026

UmsóknarfresturEnginn

Tungumálahæfni