Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

75% Þjónustu- og afgreiðslustarf á bókasafni HR

Bókasafn Háskólans í Reykjavík leitar að kraftmiklum einstaklingi í fjölbreytt og gefandi starf þjónustufulltrúa. Um er að ræða 75% stöðugildi. Í starfinu felst almenn afgreiðsla á þjónustuborði bókasafnsins.

Helstu verkefni og ábyrgð

Umsjón með almennri bókasafnsþjónustu við notendur á þjónustuborði bókasafns
Mótttaka fyrir nemendur sem eiga bókaða tíma hjá sérfræðingum
Umsjón með pósti og beiðnum til og frá safninu
Umsjón með samfélagsmiðlum og auglýsingum bókasafnsins
Önnur tilfallandi verkefni á bókasafni

Menntunar- og hæfniskröfur

Rík þjónustulund og hæfni í mannlegum samskiptum
Mikil skipulagshæfni
Frumkvæði og sveigjanleiki
Góð þekking og skilningur á upplýsingatækni
Fagmennska
Góð íslensku- og enskukunnátta

Æskilegt er að viðkomandi geti hafið störf sem fyrst.

Umsóknarfrestur er til og með 8. febrúar 2026.

Nánari upplýsingar veitir Ragna Björk Kristjánsdóttir, ([email protected]) og mannauðsdeild ([email protected]). Umsóknum skal skilað á vef Háskólans í Reykjavík. Farið er með allar fyrirspurnir og umsóknir sem trúnað.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Auglýsing birt27. janúar 2026

Umsóknarfrestur8. febrúar 2026

Tungumálahæfni