Laus störf Hæfnileit Vinnustaðir Námskeið

Húsnæðis- og mannvirkjastofnun (HMS)

Húsnæðis-og mannvirkjastofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkjamála og stuðlar að fyrirsjáanleika, skilvirkni og gæðum mannvirkjagerðar. Húsnæðis-og mannvirkjastofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 160 talsins.

Vinnustaðurinn

Öflugur bókari óskast til HMS

Vilt þú starfa á nútímalegum vinnustað sem ber ábyrgð á fjölbreyttum málaflokkum á sviði húsnæðismála, fasteignamarkaði og mannvirkjamála?

Húsnæðis- og mannvirkjastofnun (HMS) leitar að metnaðarfullum bókara í fjármálateymi HMS, sem þrífst vel í umhverfi árangurs, framþróunar, góðra samskipta og skilvirkrar þjónustu.

HMS býður starfsfólki upp á árangursdrifinn vinnustað með skýr markmið, stefnu og gildi sem hjálpa okkur að vinna saman og ná lengra.

Helstu verkefni og ábyrgð

Færsla kostnaðarbókhalds og innlestur rafrænna reikninga
Annast bókunarstýringar rafrænna reikninga
Eftirfylgni við uppáskriftaraðila vegna reikninga
Bókanir greiðslukorta/innkaupakorta
Samskipti birgja og viðskiptamenn vegna reikninga
Afstemmingar lánardrottna, viðskiptamanna og bankareikninga
Annast gerð sölureikninga og innheimtu þeirra í bókhaldskerfi
Afleysingar annarra verkefna innan teymisins
Önnur tilfallandi verkefni

Menntunar- og hæfniskröfur

Hagnýtt nám og/eða reynsla sem nýtist í starfi
Þekking eða reynsla á sviði kostnaðarbókhalds
Góð almenn tölvukunnátta, þ.m.t. færni í Excel og bókhaldskerfum. Þekking á Orra er kostur
Frumkvæði, drifkraftur, sjálfstæði og vönduð vinnubrögð
Góð samskipta- og samstarfshæfni, jákvætt og lausnamiðað viðhorf
Hæfni til að tjá sig í ræðu og riti á íslensku

Um er að ræða fullt starf og æskilegt er að umsækjandi geti hafið störf sem fyrst.

Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Umsóknir geta gilt í sex mánuði frá því að umsóknarfrestur rennur út.

Laun eru samkvæmt gildandi kjarasamningum.

Húsnæðis- og mannvirkjastofnun hvetur öll áhugasöm til að sækja um starfið.

Nánari upplýsingar

Elín Dögg Ómarsdóttir, sérfræðingur í mannauðsmálum – elin.omarsdó[email protected]

Þorsteinn Arnalds, framkvæmdarstjóri fjármálasviðs - [email protected]

Auglýsing birt30. janúar 2026

Umsóknarfrestur16. febrúar 2026

Tungumálahæfni