Eimskip

Eimskip er alþjóðlegt flutningafyrirtæki sem sinnir gáma- og frystiflutningum í Norður-Atlantshafi og sérhæfir sig í flutningsmiðlun með áherslu á flutninga á frosinni og kældri vöru. Með siglingakerfi sínu tengir Eimskip saman Evrópu og Norður-Ameríku í gegnum Ísland. Félagið starfrækir 56 skrifstofur í 20 löndum og hefur á að skipa fjölbreyttum hópi starfsfólks en í heildina starfa um 1.700 manns af 43 þjóðernum hjá félaginu.

Vinnustaðurinn

Rafmagnsverkstæði Eimskips

Rafmagnsverkstæði Eimskips í Sundahöfn leitar að öflugum rafvirkja, rafeindavirkja eða rafvélavirkja í framtíðarstarf.

Við bjóðum upp á fjölbreytt og krefjandi verkefni í fyrsta flokks vinnuaðstöðu þar sem fagmennska og öryggi eru í forgrunni. Verkstæðið er hluti af samheldnu teymi sem vinnur að viðhaldi og uppbyggingu tækja og búnaðar sem styður við alþjóðlega flutningsstarfsemi Eimskips.

Ef þú hefur áhuga á tæknilegum lausnum, vinnur af nákvæmni og átt auðvelt með að vinna í hóp – þá viljum við heyra frá þér!

Um er að ræða fullt starf á tvískiptum vöktum, þar sem unnið er alla virka daga. Aðra vikuna er unnið frá kl. 07:00 - 16:00 og hina vikuna frá kl. 16:00 - 01:00.

Helstu verkefni og ábyrgð

Almenn raflagnavinna, viðhald og nýlagnir
Viðhald tækja og búnaðar
Uppsetning og endurbætur á rafbúnaði
Önnur tilfallandi verkefni

Menntunar- og hæfniskröfur

Sveinspróf í rafvirkjun, rafeindavirkjun eða rafvélavirkjun
Reynsla af viðgerðum á lyfturum og frystikerfum er kostur
Reynsla af stýrisbúnaði og raflögnum er kostur
Íslenskukunnátta er skilyrði
Góð þjónustulund og jákvæðni

Fríðindi í starfi:

Gott mötuneyti og matur niðurgreiddur fyrir starfsfólk
Öflugt starfsmannafélag sem rekur m.a. orlofshús víðsvegar um landið
Heilsu- og hamingjupakki fyrir starfsfólk sem inniheldur m.a. heilsuræktarstyrk, sálfræðiþjónustustyrk, samgöngustyrk og fleira

Nánari upplýsingar um starfið veitir Ragnar Már Sveinsson, [email protected].

Eingöngu er tekið á móti umsóknum í gegnum vefsvæði Eimskips, www.eimskip.is

Umsóknarfrestur er til og með 17.ágúst 2025. Öllum umsóknum verður svarað og farið með þær sem trúnaðarmál.

Hreint sakavottorð og 18 ára aldur er skilyrði fyrir ráðningu hjá Eimskip.

Eimskip leggur áherslu á jafnrétti, heilsu og vellíðan starfsfólks þar sem markvisst er unnið í samræmi við jafnréttisáætlun að jafnri stöðu starfsfólks óháð kyni og leitast eftir því að hafa vinnuumhverfið sem öruggast og heilsusamlegast. Í anda jafnréttisstefnu Eimskips eru öll kyn hvött til að sækja um.

Auglýsing birt29. júlí 2025

Umsóknarfrestur17. ágúst 2025

Tungumálahæfni