Ráðgjafi í kjaradeild

Sameyki stéttarfélag í almannaþjónustu leitar að færum ráðgjafa til að sinna kjaramálum á skrifstofu félagsins. Starfið er fjölbreytt og reynir á frumkvæði og sjálfstæði.

Félagsfólk Sameykis býr við síbreytilegt vinnuumhverfi þar sem ágreiningur getur komið upp í tengslum við réttindi þess. Ráðgjafi í kjaramálum er í framlínu og hefur það hlutverk að sinna þjónustu við félagsfólk Sameykis vegna kjara- og réttindamála.

Ráðgjafi starfar í öflugu teymi í kjaramálum sem deilir á milli sín verkefnum eða eftir atvikum leysir þau í sameiningu. Hjá Sameyki starfar samhentur hópur starfsfólks sem er tilbúið til að aðstoða og leysa verkefni þvert á deildir.