Verkfræði- og náttúruvísindasvið Háskóla Íslands

Verkefnisstjóri doktorsnáms

Laust er til umsóknar fullt starf verkefnisstjóra við nemendaþjónustu Verkfræði- og náttúruvísindasviðs Háskóla Íslands. Starfið skiptist í 60% umsjón með doktorsnámi og 40% umsjón með öðrum verkefnum innan nemendaþjónustunnar. Verkefnisstjóri sinnir aðstoð við nemendur og kennara sviðsins, hefur umsjón með doktorsnámi sviðsins, vinnur náið með öðrum verkefnisstjórum og er í samskiptum við bæði innlenda og erlenda háskóla og stofnanir.

Helstu verkefni og ábyrgð

Umsjón, utanumhald og eftirfylgni með doktorsnámi á sviðinu
Þjónusta, ráðgjöf og upplýsingamiðlun til nemenda og kennara
Umsjón með umsóknum, námsferlum og vörnum doktorsnema
Umsýsla og samskipti við andmælendur vegna doktorsvarna
Þátttaka í þróun verkferla doktorsnáms
Umsjón með nemendatengdum viðburðum í doktorsnámi
Þátttaka í öðrum verkefnum á sviðinu

Menntunar- og hæfniskröfur

Háskólapróf sem nýtist í starfi, meistarapróf er kostur
Gott vald á upplýsingatækni og hæfni til að tileinka sér nýjungar á því sviði
Reynsla og/eða þekking af verkefnastjórnun er kostur
Þjónustulund, samstarfshæfni og lipurð í samskiptum
Skipulagsfærni, góð yfirsýn og frumkvæði í starfi
Góð íslensku- og enskukunnátta í bæði ræðu og riti

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum verður tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Háskóli Íslands er gróskumikið þekkingarsamfélag og fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.

Á Verkfræði- og náttúruvísindasviði starfa um 400 manns sem sinna kennslu, rannsóknum og stoðþjónustu. Starfsumhverfið er alþjóðlegt og hlutfall erlendra starfsmanna og nemenda við sviðið eykst stöðugt, en um fjórðungur bæði starfsmanna og framhaldsnema eru erlendir. Á sviðinu eru um 2000 nemendur. Verkfræði- og náttúruvísindasvið leggur áherslu á fjölbreytileika og umbótasinnað umhverfi þar sem þekkingaröflun og miðlun er í fyrirrúmi.

Starfshlutfall er 100%

Nánari upplýsingar veitir: Sigríður Droplaug Jónsdóttir, Kennslustjóri Verkfræði- og náttúruvísindasviðs, netfang [email protected] eða í síma 5255167.

Auglýsing birt9. apríl 2025

Umsóknarfrestur25. apríl 2025

Tungumálahæfni