Ráðagóður ritstjóri

Ert þú orðheppinn textasnillingur með ástríðu og auga fyrir góðri framsetningu ritaðs efnis?

Markaðsdeild Póstsins er nú á höttunum eftir úrræðagóðum sérfræðingi í efnismarkaðssetningu til að sinna ritstjórn og leiða efnisstefnu vörumerkisins. Í starfinu felst meðal annars textasmíð og yfirlestur markaðs- og kynningarefnis Póstsins. Leitað er að jákvæðum einstaklingi sem sýnir frumkvæði og hefur mikla samskiptahæfileika.

Viðkomandi verður hluti af þéttu og metnaðarfullu teymi sem leggur áherslu á að það sé gaman í vinnunni og að hver og einn fái að vaxa í sínu hlutverki. Hjá Póstinum leggjum við áherslu á stafrænar lausnir og góða upplifun viðskiptavina og leikur viðkomandi starfsmaður þar stórt hlutverk.

Ef þú hefur áhuga þá viljum við endilega heyra frá þér!

Ábyrgð og helstu verkefni :

• Ábyrgð á efnismarkaðssetningu Póstsins
• Leiða stefnu og samræma tón fyrir vörumerki Póstsins í samræmi við vörumerkjastaðal og lykilmarkmið félagsins
• Dagleg umsjón, skrif, yfirlestur og ritstjórn efnis sem Pósturinn sendir frá sér á öllum helstu snertiflötum
• Þátttaka í hugmyndavinnu, mótun herferða og ýmis önnur verkefni með markaðsdeild
• Innleiða nýjungar á sviði efnisgerðar og fylgja þeim eftir.

Æskileg þekking og reynsla:

• Framúrskarandi vald á íslensku og ensku í ræðu og riti
• Reynsla af textasmíð og ritstjórn
• Áhugi og þekking á markaðsmálum og miðlun
• Skapandi hugsun og lausnamiðuð nálgun
• Reynsla af skrifum á fréttatilkynningum og öðru efni fyrir fjölmiðla er kostur
• Menntun og/eða reynsla sem nýtist í starfi

Umsóknarfrestur er til og með 24. nóvember. Öllum umsækjendum verður svarað og farið er með umsóknir sem trúnaðarmál.

Nánari upplýsingar veitir Kristín Inga Jónsdóttir, forstöðumaður markaðsdeildar, í tölvupósti kristinj@postur.is.

Hjá Póstinum starfar lausnamiðað starfsfólk sem tekur fagnandi á móti síbreytilegum áskorunum þar sem liðsheild, þjálfun og góður starfsandi er í forgrunni. Pósturinn leggur sitt lóð á vogarskálar til að stuðla að sjálfbærni og hefur uppfyllt öll markmið Grænna skrefa. Pósturinn er jafnlaunavottað fyrirtæki.