Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Launafulltrúi

Starf launafulltrúa á launadeild Landspítala er laust til umsóknar. Um er að ræða fullt dagvinnustarf sem felur í sér mikil samskipti og fjölbreytt og krefjandi verkefni.

Við sækjumst eftir öflugum einstaklingi sem er fljótur að læra og tileinka sér hlutina, með ríka þjónustulund, góða samskiptahæfni og sem sýnir frumkvæði, nákvæmni og aga í vinnubrögðum.

Launadeild heyrir undir skrifstofu mannauðsmála og þar starfa 16 aðilar í nánu samstarfi við starfsfólk spítalans. Meginverkefni launadeildar eru að tryggja að launavinnsla, afgreiðsla launa og launatengdra mála hljóti afgreiðslu í samræmi við samninga, lög, verklagsreglur og leiðbeiningar. Móttaka, úrvinnsla, skráning og varsla launagagna eru grundvallarþættir í starfsemi deildarinnar, sem og aðstoð og leiðbeiningar til starfsfólks og stjórnenda. Unnið er í Orra fjárhags- og mannauðskerfi ríkisins og Vinnustund.

Starfshlutfall er 100% og er starfið laust frá nóvember 2022 eða eftir nánara samkomulagi. Í boði er frábær vinnuaðstaða, verkefnamiðað vinnurými, fyrsta flokks mötuneyti og stytting vinnuvikunnar.

Menntunar- og hæfniskröfur

Rík þjónustulund, frumkvæði og samskiptahæfni

Greiningarhæfni, nákvæmni og agi í vinnubrögðum

Þekking á launavinnslu almennt

Þekking á launakerfi Orra er kostur

Þekking á Vinnustund er kostur

Þekking á kjarasamningum og stofnanasamningum er kostur

Stúdentspróf eða sambærileg menntun

Góð íslenskukunnátta

Helstu verkefni og ábyrgð

Afgreiðsla launa og launatengdra verkefna

Stuðla að samræmi skráningar í launakerfi Orra og Vinnustund

Yfirfara rafræna skráningu, leiðrétta og senda til launakerfis

Halda utan um skráningu á starfslokum og uppgjörum vegna starfsloka

Sinna afleysingum, símsvörun, fyrirspurnum og öðrum verkefnum

Leiðbeina stjórnendum og starfsfólki um launatengda verkferla

Önnur tilfallandi verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Einungis er tekið á móti umsóknum í gegnum . Náms- og starfsferilskrá skal fylgja umsókn. Tekið er mið af jafnréttisstefnu Landspítala við ráðningar. Öllum umsóknum verður svarað.

Starfið er laust frá nóvember 2022 eða eftir nánara samkomulagi.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Launafulltrúi

Nánari upplýsingar

Ottó Magnússon, [email protected],

Launadeild

Skaftahlíð 24

105 Reykjavík

Auglýsing birt13. september 2022

Umsóknarfrestur27. september 2022

Tungumálahæfni

Engar sérstakar tungumálakröfur

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (29)

Hjúkrunarfræðingur á hjarta-, lungna-, augnskurðdeild og nýrnalækningadeild 12G