Innkaupafulltrúi

Heilsa leitar að öflugum aðila í starf innkaupafulltrúa. Innkaupafulltrúi ber ábyrgð á innkaupum, innflutningi og birgðastýringu fyrir Heilsu. Starfið felur í sér að greina þörf, panta vörur frá birgjum og fylgjast með afhendingum. Innkaupafulltrúi vinnur markvisst að því að tryggja hagkvæm innkaup og góðan veltuhraða birgða, með það að markmiði að hámarka framlegð og lágmarka afskriftir.

Helstu verkefni:

• Vörupantanir frá innlendum og erlendum birgjum
• Eftirlit með birgðastöðu og innkaupaþörf samkvæmt sölugreiningum og veltuhraða
• Eftirfylgni með pöntunum og afhendingartímum
• Greiningar á veltuhraða, kostnaðarverði og afskriftahlutfalli
• Samskipti við birgja og flutningsaðila
• Umsýsla með tollskýrslur og innflutningsgögn
• Skráning kostnaðarverðs og uppfærsla gagna í upplýsingakerfi
• Samstarf og innri upplýsingagjöf
• Önnur tilfallandi verkefni

Hæfniskröfur:

• Reynsla af innkaupum, innflutningi og birgðastýringu – þekking á gæðamálum í heilbrigðis- og/eða matvörugeiranum er kostur
• Góð tölvukunnátta og færni í að vinna með gögn – þekking á bókhaldskerfum (NAV/BC) og innkaupakerfum (AGR) er kostur
• Skipulagshæfni, nákvæmni og sjálfstæð vinnubrögð
• Gott vald á íslensku og ensku – munnlega og skriflega
• Hæfni í mannlegum samskiptum og teymisvinnu
• Áhugi á rekstri, greiningum og hagkvæmni ásamt heilbrigði og vellíðan

VIÐ BJÓÐUM

• Faglegt og vaxandi starfsumhverfi þar sem áhersla er á nákvæmni og gæði
• Tækifæri til að hafa áhrif á rekstur og hagkvæmni í innkaupakeðjunni
• Starf á glænýrri skrifstofu Heilsu ehf. að Skarfagörðum 2, 104 Reykjavík
• Vinnutími: Virkir dagar, 100% starf
• Aðgangur að velferðarþjónustu og styrkur til heilsueflingar
• Afsláttarkjör hjá Lyfju, Krónunni, N1 og ELKO

Nánari upplýsingar um starfið veitir Maria Del Pilar Acosta Gomez innkaupastjóri, [email protected].

Farið verður með allar umsóknir og fyrirspurnir sem trúnaðarmál.