Hæstiréttur Íslands

Hæstiréttur Íslands, æðsti dómstóll þjóðarinnar, var stofnaður með lögum nr. 22/1919 og tók formlega til starfa 16. febrúar 1920

Vinnustaðurinn

Skrifstofuumsjón

Hæstiréttur Íslands leitar að þjónustulunduðum og ábyrgum einstaklingi í fjölbreytt starf við skrifstofuumsjón réttarins. Starfið er fjölbreytt og felur í sér mikilvæg verkefni í stoðþjónustu. Leitað er að aðila með jákvætt viðhorf, vilja til að sinna margvíslegum verkefnum og góða samskiptafærni.

Þetta er kjörið tækifæri fyrir einstakling sem vill vinna í starfsumhverfi þar sem fagmennska, traust og samvinna eru í öndvegi. Starfið heyrir undir skrifstofustjóra réttarins og veitir innsýn í störf æðsta dómstigs landsins. Um 70 % starfshlutfall er að ræða.

Helstu verkefni og ábyrgð

Móttaka, skönnun málsgagna og umsjón með pökkun og frágangi þeirra
Móttaka dómsmálagjalda og gerð reikninga
Móttaka og upplýsingagjöf til þeirra sem til réttarins leita
Aðstoð við móttöku gesta
Umsjón með tölvupóstfangi réttarins
Umsjón með dómsölum fyrir og eftir málflutning og dómsuppkvaðningu
Innkaup rekstrarvara og umsjón með kaffistofu, ljósritunaraðstöðu og öðrum sameiginlegum rýmum
Önnur tilfallandi verkefni sem starfsmanni eru falin af skrifstofustjóra

Menntunar- og hæfniskröfur

Stúdentspróf eða sambærileg menntun
Reynsla af skrifstofustörfum
Rík þjónustulund og jákvætt viðhorf
Nákvæmni, ábyrgð og sjálfstæði í vinnubrögðum
Lipurð í samskiptum og samstarfi
Frumkvæði, skipulagshæfni og drifkraftur
Góð tölvu- og tæknifærni
Góð færni í íslensku og ensku
Þekking og skilningur á ferli dómsmála er kostur
Þekking á vefumsjónarkerfum og málaskrárkerfi CoreData er kostur

Með umsókn um starfið skal fylgja ítarleg starfsferilskrá ásamt kynningarbréfi þar sem gerð er grein fyrir ástæðum umsóknar og hæfni til að gegna starfinu. Starfskjör fara eftir gildandi kjarasamningi.

Nánari upplýsingar veitir Ólöf Finnsdóttir, skrifstofustjóri Hæstaréttar, [email protected].

Stefnt er að því að ráða í starfið frá 1. október 2025.

Umsóknir um starfið gilda í sex mánuði frá birtingu auglýsingar. Öllum umsóknum verður svarað þegar ákvörðun um ráðningu liggur fyrir.

Auglýsing birt5. ágúst 2025

Umsóknarfrestur18. ágúst 2025

Tungumálahæfni