Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur - Göngudeild Barnaspítala Hringsins

Göngudeild Barnaspítala Hringsins auglýsir laust til umsóknar starf hjúkrunarfræðings með áherslu á þjónustu við börn og ungmenni með sykursýki og fjölskyldur þeirra. Starfshlutfall er 40%, unnið er í dagvinnu. Ráðið er í starfið frá 1. júní 2022 eða eftir nánara samkomulagi.

Starfið felur m.a. í sér fræðslu, stuðning og ráðgjöf við börn og ungmenni með sykursýki og fjölskyldur þeirra. Í boði er áhugavert, fjölbreytt og krefjandi starf með fjölþætt viðfangefni tengd sykursýki barna/ ungmenna og fjölskyldum þeirra. Unnið er í þverfaglegu teymi. Spennandi tækifæri fyrir hjúkrunarfræðing sem hefur áhuga á þróun og eflingu hjúkrunar barna og ungmenna með sykursýki og fjölskylda þeirra. Góð aðlögun er í boði.

Barnaspítali Hringsins hefur forystu í heilbrigðisþjónustu við börn og unglinga á Íslandi. Þar er veitt fjölbreytileg heilbrigðisþjónusta sem krefst mikillar sérhæfingar.

Menntunar- og hæfniskröfur

Íslenskt hjúkrunarleyfi

Framhalds- eða viðbótarmenntun er æskileg

Reynsla af hjúkrun einstaklinga með sykursýki er kostur

Góð samskiptafærni

Faglegur metnaður og frumkvæði í starfi

Sjálfstæði í vinnubrögðum og færni til að vinna í teymi

Helstu verkefni og ábyrgð

Vinna á göngudeild m.a. í formi fjölskylduviðtala, fræðslu, stuðnings og þróun þjónustu við börn og ungmenni með sykursýki og fjölskyldur þeirra

Þekkingarþróun og þátttaka í gæðastarfi

Almenn störf á göngudeild

Starfshlutfall: 40%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Nánari upplýsingar

Ingileif Sigfúsdóttir, [email protected], 543 3705/ 824 5862

Göngudeild BH

Hringbraut

101 Reykjavík

Auglýsing birt13. maí 2022

Umsóknarfrestur23. maí 2022

Tungumálahæfni

Engar sérstakar tungumálakröfur

Staðsetning

Hringbraut Landspítali , 101 Reykjavík

Starfstegund

Starfsgreinar

Starfsmerkingar

Fleiri störf (27)