Laus störf Hæfnileit Vinnustaðir Námskeið

Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Teymisstjóri hjúkrunar Droplaugarstöðum

Dropaugarstaðir hjúkrunarheimili óska eftir öflugum hjúkrunarfræðing í stöðu teymisstjóra hjúkrunar.

Droplaugarstaðir er Eden vottað hjúkrunarheimili með áherslu á heimilislegt umhverfi og sjálfsákvörðunarrétt íbúa.

Droplaugarstaðir eru með virkt gæðakerfi og fengu ISO vottun árið 2020 fyrst hjúkrunarheimila á Íslandi. Í stefnu heimilisins eru öryggi, virkni og vellíðan íbúa, starfsfólks og fjölskyldna í öndvegi.

Við leggjum áherslu á metnað í starfi, fagleg vinnubrögð og samvinnu íbúa og starfsfólks.

Íbúar eru 87 á fjórum deildum. Við erum staðsett í hjarta Reykjavíkur og stutt í almenningssamgöngur.

Helstu verkefni og ábyrgð

Umsjón með og fagleg ábyrgð á hjúkrunarþjónustu á sinni hæð
Skipuleggur daglegt starf á sinni hæð
Vinnur samkvæmt markmiðum, hugmyndafræði og gæðastefnu heimilisins
Ber ábyrgð á og skipuleggur störf annarra starfsmanna. Útdeilir verkefnum í samræmi við hjúkrunarþarfir íbúa og ber ábyrgð á að þeim störfum sé framfylgt
Ber ábyrgð á og leysir úr þeim starfsmannamálum sem upp koma hverju sinni. Greinir þörf á þeim starfsmannamálum sem þurfa frekari úrvinnslu og beinir þeim til hjúkrunarstjóra og upplýsir
Ber ábyrgð á og metur þörf á stuðningi, fræðslu og upplýsingastreymi til aðstandenda. Sinnir fjölskylduviðtölum og stuðningsviðtölum til aðstandenda eftir þörfum
Er til aðstoðar hjúkrunarstjóra í umsjón þeirra mála sem hjúkrunarstjóri felur starfsmanni.

Menntunar- og hæfniskröfur