Hjúkrunardeildarstjóri á bráðadagdeild lyflækninga og heimaspítala
Laus er til umsóknar staða hjúkrunardeildarstjóra á bráðadagdeild lyflækninga í bráða-, lyflækninga og endurhæfingarþjónustu (BLEND) Landspítala.
Deildin er opin frá kl. 8-20 alla daga vikunnar og er sérhæfð eining innan bráðaþjónustunnar sem sinnir sjúklingum með bráð veikindi með það að markmiði að greina, meðhöndla og sinna sjúklingum samdægurs. Hjúkrunardeildarstjóri mun jafnframt hafa umsjón með Heimaspítala BLEND, sem er ný þjónusta í þróun og miðar að því að færa viðeigandi sjúkrahúsþjónustu heim til sjúklinga. Starfið felur því í sér spennandi tækifæri til að leiða og þróa nýjar þjónustuleiðir sem stuðla að bættu sjúklingaflæði, færri innlögnum og þjónustu á réttu þjónustustigi.
Áhersla er á árangursríka teymisvinnu, sjúklingamiðaða þjónustu, umbóta- og þróunarstarf, gæðamál og uppbyggingu mannauðs í nánu samstarfi við aðra stjórnendur og starfsfólk.
Leitað er eftir hjúkrunarfræðingi með brennandi áhuga á að þróa starfsemi, leiða árangursríka þjónustu við sjúklinga og stýra teymisvinnu og daglegum rekstri.
Hjúkrunardeildarstjóri starfar í nánu samstarfi við forstöðuhjúkrunarfræðing, yfirlækni deildar og aðra stjórnendur þeirra fagstétta sem starfa á deildinni og innan bráðaþjónustunnar.
Menntunar- og hæfniskröfur
Íslenskt hjúkrunarleyfi
Starfsreynsla sem hjúkrunarfræðingur í bráðaþjónustu er kostur
Framhaldsmenntun í hjúkrun og/ eða önnur viðbótarmenntun á háskólastigi sem nýtist í starfi er kostur
Farsæl reynsla af uppbyggingu og stýringu mannauðs er kostur
Farsæl reynsla af stjórnun og rekstri er kostur
Leiðtogahæfni, áhugi og vilji til að leiða breytingar og umbætur
Mjög góð hæfni í samskiptum og jákvætt viðmót
Hæfni til að leiða teymi
Sýn og hæfni til að leiða faglega þróun hjúkrunar og gæða- og öryggismál
Lausnamiðuð nálgun og framúrskarandi leiðtoga- og samskiptahæfileikar
Frumkvæði og metnaður til að ná árangri
Góð íslenskukunnátta áskilin
Helstu verkefni og ábyrgð
Fagleg ábyrgð á uppbyggingu, skipulagi og þróun starfseminnar, setur markmið um gæði og öryggi og tryggir eftirfylgni
Starfsmannaábyrgð þ.e. ábyrgð á uppbyggingu mannauðs og daglegri stjórnun á deildinni
Fjárhagsleg ábyrgð, þ.e. ábyrgð á rekstrarkostnaði
Hefur forystu um áframhaldandi uppbyggingu, skipulag og þróun deildarinnar í samráði við yfirlækna og forstöðufólk bráða-, lyflækninga og endurhæfingaþjónustuþjónustu
Tryggir að öryggis-, gæða- og umbótastarfi sé framfylgt
Þátttaka í vísinda- og rannsóknarstarfi
Starfar náið með deildarstjórum hjúkrunar innan bráðaþjónustu og er virkur þátttakandi í samstarfi þeirra á milli
Framfylgir stefnu og áherslum framkvæmdastjórnar Landspítala
Íslenska
Enska
