Hjúkrunarfræðingur á legudeild geðrofssjúkdóma

Langar þig að vera hluti af öflugu teymi þar sem við vinnum saman að því að veita góða geðhjúkrun, þróa þjónustuna og hafa raunveruleg áhrif á líf fólks?

Á legudeild geðrofssjúkdóma gefst þér tækifæri til að sinna fjölbreyttri og krefjandi geðhjúkrun þar sem klínísk dómgreind, samskiptafærni og sjálfstæði í starfi fá að njóta sín.

Við leitum að metnaðarfullum hjúkrunarfræðingi sem hefur áhuga á geðhjúkrun og vill taka þátt í að veita einstaklingum með geðrofssjúkdóma örugga, einstaklingsmiðaða og batamiðaða þjónustu. Starfið hentar jafnt nýútskrifuðum sem reyndum hjúkrunarfræðingum sem vilja efla þekkingu sína og vaxa í starfi.

Legudeild geðrofssjúkdóma er 16 rúma sérhæfð legudeild sem sinnir greiningu, meðferð og endurhæfingu einstaklinga með geðrofssjúkdóma. Á deildinni starfar öflugt þverfaglegt teymi þar sem rík áhersla er lögð á samstarf, faglega þróun og góðan starfsanda.

Við leggjum metnað í að styðja hjúkrunarfræðinga í starfi. Nýútskrifaðir hjúkrunarfræðingar eiga kost á sérhæfðu starfsþróunarári með markvissri handleiðslu og fræðslu. Reynslumiklir hjúkrunarfræðingar fá jafnframt tækifæri til að þróa klíníska sérþekkingu, taka þátt í umbótastarfi og hafa áhrif á áframhaldandi þróun geðhjúkrunar.

Starfshlutfall er 80-100% og er starfið laust frá 15. september 2026 eða eftir nánara samkomulagi. Unnið er á þrískiptum vöktum, morgun-, kvöld- og næturvöktum.

Vinnuvika starfsfólks í fullu starfi er 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.