Hjallatún var formlega opnað sem dvalarheimili í ágúst 1989 en heimilið, sem telur 10 herbergi, var byggt við íbúðir aldraðra sem teknar voru í notkun 1986. Þetta voru fjórar íbúðir sem leigðar voru út til aldraðra hreppsbúa án sérstakrar þjónustu. Hjallatún var eins og mörg önnur hjúkrunarheimili byggt og hugsað sem dvalarheimili en smátt og smátt hefur hjúkrunarrýmum fjölgað á kostnað dvalarrýma. Árið 2017 varð Hjallatún eingöngu hjúkrunarheimili og í dag eru búsettir hér 17 einstaklingar. Einnig eru tvö hvíldarrými. Á Hjallatúni er lögð áhersla á heimilislegt andrúmsloft og virðingu fyrir íbúum. Allir íbúar eru á einbýli. Við leggjum mikið upp úr hreyfingu og að auka sjálfsbjargargetu og lífsgæði íbúa. Markmið okkar er að vera góður og framsækinn vinnustaður þar sem lögð er áhersla á góðan starfsanda, virðingu og sjálfstæð vinnubrögð