Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Gagnaforritari hjá Orku náttúrunnar

Orka náttúrunnar leitar að metnaðarfullum gagnasérfræðingi

Við leitum að metnaðarfullum og drífandi sérfræðingi í gögnum til að starfa í gagnaumhverfi Orku náttúrunnar við að skapa sem mest virði úr gögnum til hagsbóta fyrir virkjanir, orkumiðlun, sölu og þjónustu og aðrar einingar innan ON.

Gögn skipta lykilhlutverki í starfsemi ON og í hlutverki gagnasérfræðings munt þú verða sérfræðingur í gögnum virkjana og orkumiðlunar, taka þátt uppbyggingu og innleiðingu Databricks skýjalausnar, skipuleggja uppbyggingu gagna og og þróun og framsetningu gagnalíkana.

Við leitum að einstaklingi sem sýnir frumkvæði og er tilbúinn til að taka þátt í teymisvinnu til þess að ná framúrskarandi árangri með því að hámarka nýtingu gagna.

Þú munt vinna náið með öflugu stafrænu teymi með það að markmiði að skapa frábært umhverfi til að nýta gögn sem virka í alvörunni til að tryggja öruggari og hagkvæmari rekstur.

Ef þú hefur áhuga á gagnavinnslu, býrð yfir metnaði til þess að ná árangri og ástríðu fyrir virðissköpun í þágu samfélagsins þá hvetjum við þig til þess að sækja um starfið.

Helstu verkefni og ábyrgð

Í hlutverki gagnasérfræðings felst m.a.:

Þróun og viðhald gagna í vöruhúsi (Databricks), ETL gagnaflæði, gagnaskil og gagnaprófanir
Þróun á viðskiptagreindarumhverfi og undirliggjandi gagnaferlum fyrir Orku náttúrunnar
Þróun á ferlum vegna afhendingar gagna til sérfræðinga í viðskiptagreiningu og líkanagerðar
Útfærsla, þróun og viðhald á gagnalíkönum
Samskipti við hagaðila, greining á gagnakröfum og tækifærum í hagnýtingu á gögnum
Stýring og stuðningur í verkefnum tengdum hagnýtingu gagna

Menntunar- og hæfniskröfur

Við leitum að einstaklingi sem býr yfir:

Þekkingu og reynslu af notkun á tóla, tækja og aðferða við þróun gagnainnviða s.s. SQL server, Databricks og Azure gagnainnviðum
Góðri þekkingu á gagnagrunnum og uppbyggingu vöruhúss gagna
Góðri samskiptafærni og hæfni til að miðla þekkingu
Menntun og/eða reynslu sem nýtist í starfinu

Þekking á Python eða öðrum forritunarmálum er ótvíræður kostur og sömuleiðis gott auga fyrir notendavænni og listrænni framsetningu gagna.

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 23. september 2025.

Nánari upplýsingar veitir Herdís Skúladóttir, deildarstjóri stafrænnar þróunar ON, [email protected].

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Auglýsing birt12. september 2025

Umsóknarfrestur23. september 2025

Tungumálahæfni