Fjölbreytt starf í heildsölu og á lager hjá NTC

NTC óskar eftir einstaklingi til að sinna fjölbreyttu og skemmtilegu starfi í heildsölu og á lager fyrirtækisins

Starfið felur í sér almenn störf í heildsölu og á lager NTC ásamt vefverslun þar sem helstu verkefni eru: stofnun reikninga, pakkningar, afstemmingar, verðmerkingar ásamt öðrum tilfallandi verkefnum. Starfið getur verið fjölbreytt og skemmtilegt þar sem viðkomandi snertir á ýmsum flötum fyrirtækisins.

Viðkomandi þarf að vera röskur, traustur, talnaglöggur, eiga gott með mannleg samskipti, vinna vel í teymi, skipulagður og sjálfstæður í vinnubrögðum.

Viðkomandi þarf að geta hafið störf sem fyrst.

NTC ehf. er lifandi og fjölbreytt fyrirtæki sem hefur í yfir 45 ár verið leiðandi í innflutningi, framleiðslu og sölu á tískufatnaði á Íslandi. NTC starfrækir 13 verslanir á höfuðborgarsvæðinu, 1 verslun á Akureyri, vefverslun, saumastofu og heildsölu sem selur fatnað til margra af betri tískuvöruverslunum á landsbyggðinni. NTC rekur verslanirnar Gallerí Sautján, GS skó, Kultur, Kultur menn, SmashUrban, EVU, GK Reykjavík, Karakter, Companys og Outlet-10 ásamt vefverslunina ntc.is. Hjá NTC starfa um 150 manns þar sem lagt er mikið uppúr góðum starfsanda og sterkri liðsheild.

NTC hefur margoft hlotið viðurkenningar frá VR sem fyrirmyndafyrirtæki og eins viðurkenningar frá CreditInfo sem framúrskarandi fyrirtæki.